Add Some Thai Restaurant

营业中

休息中

最近去咗试呢间餐厅试咗泰式打卡下午茶$198两位，性价比高。3选1:自选主食，我拣咗泰式猪颈肉炒金边粉。猪颈肉炒得刚好，肉质爽口，金边粉酸酸地够开胃。主食之后，系六宫格盒子，里面有脆炸洋葱圈、脆炸薯格、泰式炸鸡、七味鸡软骨、熊仔椰汁米线同芒果双色糯米饭，好多样化🩷洋葱圈外脆内软。薯格炸得金黄香脆，唔油腻。泰式炸鸡外皮酥脆，肉质多汁。七味鸡软骨软骨香脆弹牙。甜品熊仔椰汁米线，好似珍多冰咁，熊仔造型椰汁冰椰汁味香浓。芒果双色糯米饭甜度适中，芒果🥭好甜～饮品方面，我选咗热蜜桃🍑茉莉茶同热柠檬🍋柚子蜜。蜜桃茉莉茶清香带有淡淡蜜桃味；而柚子蜜则酸酸甜甜好滋润。