真姐港台美食

营业中

休息中

观塘骆驼漆有好多工厦美食😋最近发现开左间港台小食店，小食种类都几多，有蛋饼、盐酥鸡、刈包、鱼蛋烧卖、捞面同牛杂都有🥰炸猪颈肉 超推介呢个，一盒有好多猪颈肉，因为即炸嘅关系所以都要等一阵。炸到金黄色，咬落去好香口，仲有肉汁，外脆内软🥰 调味亦都啱啱好，会再买黎食。🥹花枝丸见到有人叫花枝丸好大粒，我都唔执输。一盒有八粒，同样系即炸，食嘅时候仲好热。入面真系有花枝粒，几弹牙，好好食。😋捞面配芝士肠除咗台式小食仲有港式小食，佢地嘅捞面可以配唔同配料，有鱼蛋、烧卖等等，我就拣咗芝士肠，面底好食，唔会煮到好淋。烧卖 佢地嘅鱼肉烧卖好大粒，蒸得啱啱好，几烟韧，最特别系加咗xo 酱，好惹味。