瀛豐放題料理專門店

营业中

休息中

朋友推荐今晚去铜锣湾呢间放题店食放题，呢间 <瀛丰放题>餐厅，除左抵食之外，仲坐得好舒服㖞！人均消费$209起，我哋今晚就食8pm时段，$259/位，食足两小时，完全冇赶客，食得畅快！！～先来第一round，我哋叫咗好多款刺身，有三文鱼腩刺身、海胆带子、吞拿鱼刺身、希灵鱼、大赤虾、原只鲍鱼、鲍片、油甘鱼、剑鱼腩、翡翠螺、马刀贝等等，刺身嘅质素都非常之新鲜，而且入口肉质够晒鲜甜好味。极品海鲜拼盘入面仲有罐头嘅鱼子酱，餐厅确系非常重本！！ 连甘矜贵嘅食材，都送埋畀你，值得一赞！！～另外我哋仲叫咗一口海胆寿司、火焰左口鱼边寿司、鹅肝带子寿司，肥美新鲜。炸物有大虾天妇罗、黄金豆腐、炸榴梿波波、脆皮炸香蕉、芝麻炸鸡翼，呢几款都非常值得推荐，香脆好食。其它必食款式有泰式烧元贝、串烧牛柳、烧菠萝、泰式烧生蚝，各款都烧得香口惹味。最后仲有几款自家制甜品，homemade 芝士饼、榴梿糯米糍同tiramisu都好好食，还有不能错过的榴梿雪糕！！～整体来讲，我觉得餐厅嘅食物质素、环境、同服务都非常之唔错，最重要系佢三百蚊都唔使嘅价钱，就可以食到咁有质素嘅刺身，绝对值得推荐。