HAHA CHICKEN 하하치킨 (西九龍中心)

营业中

休息中

前几日同朋友倾开计，大家都好想食韩国嘢，之后我就醒起西九龙中心间乐乐猪手都几好食，朋友话好想食埋炸鸡，所以就分头行事，一人去买一间。呢间炸鸡店有成七种口味咁多，而且套餐仲包一碗饭同一款饮品，性价比都几高。我地就叫咗两个餐试下，拣咗最经典嘅甜辣炸鸡同埋最邪恶嘅辣芝士炸鸡，而饭方面有两款，有卡邦尼饭同埋安东鸡饭，好贪心咁想试晒两款，就每样要咗一碗，饮品就以罐装饮品同埋纸包饮品为主。炸鸡即叫即炸，够晒热辣辣，一份有三件鸡，仲有两件年糕伴碟，入口皮脆肉嫩，而且仲系无骨啖啖肉，真系够晒满足，甜辣味辣度唔会好辣，想挑战味蕾就一定要试下辣芝士炸鸡！另外仲叫多咗半只芝士炸鸡，未食已经闻到阵阵芝士香气，成旧鸡都沾满芝士粉，味道咸香突出，食到停唔到口。卡邦尼饭同埋安东饭满满酱汁，配料都几充足，细细碗又唔会太饱。