香江花月 (利舞臺廣場) (已結業)

之前有返过大陆打边炉食呼拉圈牛肉火锅，估唔到原来香港依家都有！前几日食完呢间喺铜锣湾打边炉，觉得性价比都几高，几好食，最主要系佢坐得舒服！美银花胶鸡锅 ($298)我哋拣咗花胶鸡汤做汤底，有成只鸡喺入边，鸡汤嘅味道好浓郁，真心几好饮！饮落觉得充满骨胶原咁！特选牛圈 ($288)呢个真系几抵食，超级大份好啱打卡！牛嘅质素都唔错，七色丸 ($108)七粒唔同口味嘅墨鱼丸，食落去好新鲜弹牙。个人比较喜欢咸蛋黄，蟹籽！黄金鬼五马六 ($88)每旧油炸鬼都酿咗虾滑或者墨鱼滑，咸蛋黄味好重，系好食嘅，但系偏油，冇乜摆盘所以个卖相麻麻。桃花缘 ($88)成杯嘢饮最特别就系佢𠮶个烟球，味道唔错，饮落去似桃味乳酸饮品流星夜 ($88)呢杯嘅味道比较清淡，不过颜色嘅配搭真系几靓！用嚟打卡真系一流！Overall嚟讲餐厅都唔错，环境真系舒适，食物quality不错，个人真系几适合女仔过嚟打边炉。位同位坐得比较远，私隐度都算唔错。