影片
更多
2018-08-05
2860 浏览
去杏花新城行体育outlet行到肚饿，就打算平平D揾地方食lunch。走左一个圈，发现如果唔食美心或者M小丑快餐，商场其他餐厅食个午餐大概都要$70-100，比较一番后见到日牛火锅任食午餐都差唔多价钱，就入左去试试。入去前，侍应会先帮你系门口落order。我同朋友两个人都唔系食肉兽，所以一齐拣左两个单碟套餐(一猪一牛)开心share，拣完餐拣埋各自既汤底就安排我地入座。假日午餐有90分钟时限，入座放低袋就可以直接出去攞野食，侍应会去攞之前落左order既单碟同埋单人迷你锅去张台，亦会帮我地开著个电磁炉，所以唔需要我地操心。系自助区可以任攞不同蔬菜、菇、丸、芝士肠、荞麦面、年糕等等的食材。因为限时得90分钟，所以我地冇慢慢影相，不过如果大家平日有时间去食，好似系唔限时。自助区亦有基本酱料可以自己按喜好去沟 (有酱油、芝麻酱、葱、辣椒等等)，仲有唔同汽水随你任斟任饮。我个人专攻菇同埋大葱，攞完第一round返埋位时已经可以放入迷你锅煮。D肉切得好薄，不论牛肉或猪肉，渌几十秒已经食得。我拣左鸡汤，其实就唔觉得有几特别，因为渌完食材之后点落D自制酱汁就已经食唔到个汤D味。我朋友拣寿喜烧就渌咩都
入去前，侍应会先帮你系门口落order。我同朋友两个人都唔系食肉兽，所以一齐拣左两个单碟套餐(一猪一牛)开心share，拣完餐拣埋各自既汤底就安排我地入座。
假日午餐有90分钟时限，入座放低袋就可以直接出去攞野食，侍应会去攞之前落左order既单碟同埋单人迷你锅去张台，亦会帮我地开著个电磁炉，所以唔需要我地操心。系自助区可以任攞不同蔬菜、菇、丸、芝士肠、荞麦面、年糕等等的食材。因为限时得90分钟，所以我地冇慢慢影相，不过如果大家平日有时间去食，好似系唔限时。自助区亦有基本酱料可以自己按喜好去沟 (有酱油、芝麻酱、葱、辣椒等等)，仲有唔同汽水随你任斟任饮。
我个人专攻菇同埋大葱，攞完第一round返埋位时已经可以放入迷你锅煮。D肉切得好薄，不论牛肉或猪肉，渌几十秒已经食得。我拣左鸡汤，其实就唔觉得有几特别，因为渌完食材之后点落D自制酱汁就已经食唔到个汤D味。我朋友拣寿喜烧就渌咩都甜甜地，未必个个人啱食。限时内自助区随便你无限round重复挑战，如果再order肉就要加钱，正常人基本上系自助区2-3round都差唔多饱晒。食完火锅，自助区亦有froyo提供，如果你仲食得落都系任食既。
整体黎讲，食物味道虽然唔算出众，环境亦都系正正常常，不过平心而论，一分钱一分货，90分钟一人一锅任食，每人加一后都系$80左右，我觉得好抵。假如大热天时懒得入厨煮饭，纯粹想平平地大食一餐，日牛都不失为一个选择。
单碟套餐x2 (日牛x1, 豚肉x1)
$72
136 浏览
0 赞好
0 留言
题外话/补充资料：
食完之后，衣物难免一身火锅味，洗衣机解决就得啦~
(以上食记乃用户个人意见 , 并不代表OpenRice之观点。)
张贴
