海灣茶居

营业中

休息中

餐厅环境同一般传统茶楼有别，比人感觉好新颖，舒适，系个好适合同朋友、家人慢慢食下野，倾下偈闲聚既地方☺️今次系度叫左一个小菜同埋几笼点心。首先系沙姜鸡套餐，一人份量岩岩好。沙姜鸡肉质好嫩好滑，夹埋啲汁送饭一流😎。套餐仲跟埋一碗绿豆沙，呢碗绿豆沙真系不得不赞，味道岩岩好，唔太甜好岩个人口味。点心方面，首先系蒜蓉蒸排骨，啲肉又系好滑，底下既芋头吸哂汁，蒜蓉味好香！流沙包都唔错，内馅唔算流心，但绵密滑顺，外皮松软。然后系鲍鱼烧卖，餐厅可以比客人选择拣两粒/四粒，对于两人用餐的客人十分友好，唔需要一次食太多，可以试多啲唔同既野，鲍鱼烧卖口感丰富，烧卖大大粒，一大啖咬落去好满足。最后再点多一碗姜汁撞奶，$10一碗无谂到味道都不错，热辣辣好嫩滑，姜味都好浓郁。