影片
更多
2016-05-06
907 浏览
预祝仔仔生日, 佢话好耐无食自助餐, 咁就揾间唔贵嘅食下啦!逢假日先有嘅brunch buffet 11:30-3:00pm我地系一星期前先打去订位嘅, 职员话5月+6月booking都full晒。不过后尾佢话1号仲有张走廊枱, 如果唔介意就可以留位俾我, 咁是旦啦, 佢话离食物枱唔远的。我地11:45am去到, 都差唔多有8成人已坐底左食紧了。咁我地亦马上开动!食物唔算好多, 但以咁嘅价钱, 可以接受啦!冷盘- (没有任何鱼生, 老公好似唔多开心)蟹脚: 少少咸, 有鲜味 (好味过日式超市买果d) 我食左两转。冻虾: 肉质弹牙 (完全无霉)冻螺: 好一般parma ham / 烟三文鱼 : 好一般 (平价货色)沙律菜 : 罗马生菜算新鲜, 自己捞酱, 亚仔就食左两次! 有其他菜, 但我无试!热盘: 羊架: 好味, 粉红色又无血水渗出来, 够淋。牛x肉: 肉粒(四四方方), 食左一粒比较熟嘅(有点un), 另食左一粒粉红色嘅(就好淋好味道)熟三文鱼: 煮得刚刚好, d肉好滑, d汁又配得好。烤大姑/烧菠萝: 一般水准(仲有其他热盘的: 我无全部试晒呀, 有鸡, 有炒蛋, 有菜, 有番薯
逢假日先有嘅brunch buffet 11:30-3:00pm
我地系一星期前先打去订位嘅, 职员话5月+6月booking都full晒。不过后尾佢话1号仲有张走廊枱, 如果唔介意就可以留位俾我, 咁是旦啦, 佢话离食物枱唔远的。
我地11:45am去到, 都差唔多有8成人已坐底左食紧了。咁我地亦马上开动!
食物唔算好多, 但以咁嘅价钱, 可以接受啦!
冷盘- (没有任何鱼生, 老公好似唔多开心)
蟹脚: 少少咸, 有鲜味 (好味过日式超市买果d) 我食左两转。
冻虾: 肉质弹牙 (完全无霉)
冻螺: 好一般
parma ham / 烟三文鱼 : 好一般 (平价货色)
沙律菜 : 罗马生菜算新鲜, 自己捞酱, 亚仔就食左两次! 有其他菜, 但我无试!
热盘:
羊架: 好味, 粉红色又无血水渗出来, 够淋。
牛x肉: 肉粒(四四方方), 食左一粒比较熟嘅(有点un), 另食左一粒粉红色嘅(就好淋好味道)
熟三文鱼: 煮得刚刚好, d肉好滑, d汁又配得好。
烤大姑/烧菠萝: 一般水准
(仲有其他热盘的: 我无全部试晒呀, 有鸡, 有炒蛋, 有菜, 有番薯/紫薯)
甜品: (全部都已切好, 细细件, 唔驶食太多, 我钟意)
芒果拿破仑: 好味
芝士蛋糕: 好味
香蕉朱古力蛋糕 / 朱古力蛋糕: 唔欣赏
马卡龙: 普普通通
啫喱/棉花糖: 亚女食左几粒 (我无食)
pancake : 新鲜出炉, 一般般
haggen daz 雪糕(细杯装)主力食呢个 : 有vanilla , strawberry, choco, 细路食晒三款, 我就食左两杯。
食得好饱, 到夜晚仍然好饱, 晚餐果时大家都无晒胃口lu...haha
大人:$260 小朋友:$160 (不收加一)
有雪糕食, 所以觉得好抵啰。
环境: 走廊位, 虽然系有唔少住客行来行去, 但旁边是落地大玻璃, 感觉都唔错播, 好似舒服过坐入面。
服务: 侍应收碟都几勤快, 同几有礼貌。
张贴