影片
更多
2020-03-25
1148 浏览
经过太子，想系附近揾晚餐， 见到呢间红桥觉得几啱心水就入咗黎。 好多地方晚餐都要散叫， 但佢晚餐仍然有set dinner， 仲要唔使加一， 已经觉得几抵食。佢有个固定嘅set dinner menu， 有六个餐可供选择， 每个set dinner包咗前菜、餐汤、嘢饮、同主食， 冇记错最贵𠮶个餐价钱都唔过100， 作为西式餐厅晚市， 价钱都可以话算系非常贴地。我哋叫咗两个餐， 分别系蜜糖猪肋骨伴蛋包饭， 同埋烧汁芝士鸡扒焗饭。 落完单好快前菜同餐汤就送到。 餐汤有得拣中汤或者西汤， 咁我哋就拣咗南瓜汤， 个汤水准正正常常， 好浓稠好creamy，几好饮。主菜方面， 店员话猪肋骨已经买晒， 所以就帮我转咗做鳗鱼， 我本身其实对猪肋骨感觉一般， 纯粹系好想食蛋包饭， 而家转咗做鳗鱼， 我觉得系喜出望外嘅😋 一上到枱， 哗好大好大条鳗鱼啊！鳗鱼都几鲜美， 但就有少少骨， 但唔算太多都可以接受， 其实系想食茄汁嘅蛋包饭， 但而家转咗烧汁都还可以， 可能因为茄汁同鳗鱼唔夹。 我觉得整体味道真系相当唔错， 蛋包入面系炒饭而唔系普通白饭， 但如果只蛋可以再嫩滑少少就更加好， 而家偏老咗一点点， 但整
佢有个固定嘅set dinner menu， 有六个餐可供选择， 每个set dinner包咗前菜、餐汤、嘢饮、同主食， 冇记错最贵𠮶个餐价钱都唔过100， 作为西式餐厅晚市， 价钱都可以话算系非常贴地。
我哋叫咗两个餐， 分别系蜜糖猪肋骨伴蛋包饭， 同埋烧汁芝士鸡扒焗饭。 落完单好快前菜同餐汤就送到。 餐汤有得拣中汤或者西汤， 咁我哋就拣咗南瓜汤， 个汤水准正正常常， 好浓稠好creamy，几好饮。
主菜方面， 店员话猪肋骨已经买晒， 所以就帮我转咗做鳗鱼， 我本身其实对猪肋骨感觉一般， 纯粹系好想食蛋包饭， 而家转咗做鳗鱼， 我觉得系喜出望外嘅😋 一上到枱， 哗好大好大条鳗鱼啊！鳗鱼都几鲜美， 但就有少少骨， 但唔算太多都可以接受， 其实系想食茄汁嘅蛋包饭， 但而家转咗烧汁都还可以， 可能因为茄汁同鳗鱼唔夹。 我觉得整体味道真系相当唔错， 蛋包入面系炒饭而唔系普通白饭， 但如果只蛋可以再嫩滑少少就更加好， 而家偏老咗一点点， 但整体而言质素味道都几好。而个芝士鸡扒饭， 真系好芝士啊， 而且系即刻焗嘅，所以温度好高， 鸡扒亦都好大块好足料， 味道相当唔错。
唯一美中不足系个前菜，前菜系沙律， 但沙律嘅酱汁我就表示。。。 本身好重口味，好钟意食酱料嘅我， 无论系沙律酱千岛酱芝麻酱嘅沙律，都好钟意食， 但佢偏偏系一只，唔知咩汁， 类似系袖子醋， 但其实我连醋都钟意食， 但佢系唔好味嘅错， 所以平时唔浪费食物嘅我，今日都浪费咗啲沙律。
总结就系， 价钱贴地， 平均八十蚊就食到一个set dinner， 味道质素都几好， set dinner有沙律有餐汤有嘢饮， 重点系唔使加一， 真系好抵！
PS 个沙律嘅酱汁真系一言难尽， 如果你哋真系去试， 唔知可唔可以叫佢改咗其他酱呢
张贴
