Savor Kitchen

营业中

休息中

今日同朋友喺铜锣湾睇完戏，就系附近揾咗间餐厅到食饭，发觉原来永光中心呢幢大厦都几多餐厅选择，如是这我哋就嚟到呢间西餐厅到食饭。本湾章红生鱼薄片章红鱼切得好薄身，调味方面用咗柠檬皮、九层塔、英茜油、意大利白醋、初榨橄榄油，食落好清新一啲都唔腥，鱼片好鲜甜好滑。手拆蓝蟹肉多士蓝蟹肉份量好多铺满晒系多士到，而个多士炸到好酥脆，连埋一齐食口感好丰富，蟹肉好鲜甜。白酒煮活蚬意粉意粉煮得爽口弹牙，蚬肉好新鲜，唔会食到有沙处理得好干净，配埋白酒一齐煮带出蚬肉嘅鲜味，意粉入面加咗红辣椒食落有少少辣，估唔到加入咗辣椒嘅意粉味道都几夹。炭烧三黄鸡胸青酱长通粉鸡胸煮得啱啱好唔会好硬好干，每一条长通粉沾满菠菜同青酱口感好creamy，食落有淡淡嘅芝士味。香煎三文鱼柳三文鱼柳煎得外皮香脆，肉质好嫩滑，酱汁用咗法葱、柠檬果茸、西洋菜汁，夹埋一齐食减轻咗三文鱼嘅油腻感，味道好清爽。炭烧西冷西冷牛扒好香嘅炭烧味，牛扒唔会好韧，个薯蓉好滑好creamy ，再配埋忌廉同黑椒汁好好食，口感好丰富。意大利芝士蛋糕口感好柔滑，每一啖都充满咖啡同奶香味，个蛋糕唔会好甜，面层洒上可可粉，食到停唔到口。