皇后冰室 (已結業)

黄埔愈来愈多连锁餐厅, 搞到冇晒特色,反而行出少少去黄埔新村民泰街一带仲多抵食好味选择.呢日去食开左几个月嘅皇后冰室食lunch,入面装修几有欧陆特色, 不过坐位有少少逼, 同埋冷气唔够, 所以愈食愈热....星期六去都有set lunch食, 价钱都唔超过60蚊, 仲有餐汤有蒜蓉包有饮品, 真系好抵!餐汤我拣左白汤, 系一般平价忌廉汤货色, 蒜蓉包就唔够热唔够脆个意粉都几大碟下, 配料汁酱都好够, 食落都好creamy, 几好味!我唔饮茶同咖啡, 平时食西餐唯一选择就系饮柠檬水,不过呢间就可以拣冰室或茶餐厅先有嘅饮品甚至特饮,仲有我第一次听嘅黑牛, 黄牛, 白牛, 红牛 (原来即系雪糕加唔同汽水)呢个价钱呢个质素呢个份量, 绝对系抵食! 值得再嚟!