影片
更多
2021-03-26
87 浏览
又到咗陪老公食越南菜嘅时间，今日就拣咗呢间位于尖沙咀嘅河内越式料理。呢度所制作嘅都系平时喺越南菜餐厅见到嘅菜式，都不乏汤粉、捞檬、仲有好多唔同嘅越式小食。平时拣小食通常都拣虾饼，今日突然之间想食清啲，所以拣咗鲜虾米纸卷。切开后总共有四件，每件都有一只鲜虾，入面仲有米粉、青瓜丝、红萝卜丝等等，爽脆清甜，仲可以点鱼露食，健康又醒胃。越式三文治入面有大量嘅蔬菜，另外仲有猪肉丝同扎肉，又系一个多菜少肉嘅选择。而呢个蕃茄蟹肉扎肉汤檬材料丰富，包括有豆卜、扎肉、仲有蟹膏蟹肉蛋饼，檬粉份量超多，大大碗先$66 ，真系好抵食超值！跟餐加$12可以转特饮，我哋拣咗冻青柠可乐同龙眼冰，原来青柠可乐比平时嘅柠乐更加清新，呢个配搭好正！而龙眼冰亦都非常清甜又够滋润，啱晒女士饮用。呢餐咁丰富埋单都唔使$200 ，仲要喺尖沙咀呢个闹市入面，真系非常抵食！
呢度所制作嘅都系平时喺越南菜餐厅见到嘅菜式，都不乏汤粉、捞檬、仲有好多唔同嘅越式小食。
平时拣小食通常都拣虾饼，今日突然之间想食清啲，所以拣咗鲜虾米纸卷。切开后总共有四件，每件都有一只鲜虾，入面仲有米粉、青瓜丝、红萝卜丝等等，爽脆清甜，仲可以点鱼露食，健康又醒胃。
越式三文治入面有大量嘅蔬菜，另外仲有猪肉丝同扎肉，又系一个多菜少肉嘅选择。
而呢个蕃茄蟹肉扎肉汤檬材料丰富，包括有豆卜、扎肉、仲有蟹膏蟹肉蛋饼，檬粉份量超多，大大碗先$66 ，真系好抵食超值！
跟餐加$12可以转特饮，我哋拣咗冻青柠可乐同龙眼冰，原来青柠可乐比平时嘅柠乐更加清新，呢个配搭好正！而龙眼冰亦都非常清甜又够滋润，啱晒女士饮用。
呢餐咁丰富埋单都唔使$200 ，仲要喺尖沙咀呢个闹市入面，真系非常抵食！
张贴
