魚你相聚

营业中

休息中

餐厅主打酸菜鱼，有2-4人套餐，亦有多款自选一人套餐。鱼类要咗生鱼片同龙利柳，前者鲜甜入口即化，后者啖啖肉，两款都值得一试。汤底分别为番茄浓汤同老坛酸菜，番茄汤底真心够浓，味道出，好有惊喜，酸菜就正常发挥，有辣有唔辣老少咸宜。而配料可以自行选择两款，白萝卜、生菜、大豆芽、薯仔，经典配搭，吸满汤汁，无可能唔好食😂花胶浓汤鸡煲值得一试，热辣辣上，汤底鲜甜，饮落滑顺，仲有好多娃娃菜同鸡块搭配，适合配白饭。见旁边要咗煲仔饭所以贪得意要多份，即叫即整要等25分钟左右。窝蛋免治牛肉厚度适中，豉油唔系用出边嘅甜豉油，另外建议焗耐少少，唔系嘅话就冇𠮶种特别嘅焦香气。小食都有几多选择，大力推介凉拌海蜇，少少冻好开胃，而且入口滑溜唔系硬绷绷。手撕鸡味道调得唔错，口感真系一丝丝，不过份量偏少。凤爪切得好散，但估唔到食落都唔错，带有咬口，好似零食咁越食越上瘾。最后以红糖糍粑作结，软软糯糯，搭配旁边嘅酱汁，赞。