影片
更多
2023-06-16
166 浏览
好耐之前食过观塘分店觉得几正，今日又嚟旺角店帮衬吓～闲日晚上嚟到都几旺场，我哋拣咗小宝套餐，主菜拣咗酸菜鱼。肉类同海鲜类嘅配料可以用qr code落单，其他酱料、饮品、蔬菜、丸类同饺类嘅配料就可以喺自助区拎，干净企理。🥢小食-紫菜鱿鱼须、七味炸鱼皮职员好快就送上小食，啲小食次次都唔同，今次呢两款都唔错，啱啱炸起，热焫焫脆卜卜。🥢主菜-酸菜鱼（BB辣）都几大盘，BB辣唔会太辣，酸辣比例恰当；鱼肉嫩滑冇骨，垫底嘅薯粉好入味👍🏻🥢火锅-番茄牛肋条锅非常推荐呢款汤底，好多牛肋条，肉质软腍，酸酸地噉好醒胃😋食完个酸菜鱼同啲牛肋条其实都几饱吓，我哋就叫咗少少配料打边炉。🥢安格斯牛板翼我哋encore咗两次，牛味浓，啲牛靓过坊间同价位嘅任食火锅。🥢脆鱼鲩肉质爽脆结实，冇咩细骨。🥢鲜鸡件都几嫩滑！
好耐之前食过观塘分店觉得几正，今日又嚟旺角店帮衬吓～
闲日晚上嚟到都几旺场，我哋拣咗小宝套餐，主菜拣咗酸菜鱼。肉类同海鲜类嘅配料可以用qr code落单，其他酱料、饮品、蔬菜、丸类同饺类嘅配料就可以喺自助区拎，干净企理。
🥢小食-紫菜鱿鱼须、七味炸鱼皮职员好快就送上小食，啲小食次次都唔同，今次呢两款都唔错，啱啱炸起，热焫焫脆卜卜。
🥢主菜-酸菜鱼（BB辣）都几大盘，BB辣唔会太辣，酸辣比例恰当；鱼肉嫩滑冇骨，垫底嘅薯粉好入味👍🏻
🥢火锅-番茄牛肋条锅非常推荐呢款汤底，好多牛肋条，肉质软腍，酸酸地噉好醒胃😋食完个酸菜鱼同啲牛肋条其实都几饱吓，我哋就叫咗少少配料打边炉。
🥢安格斯牛板翼我哋encore咗两次，牛味浓，啲牛靓过坊间同价位嘅任食火锅。
🥢脆鱼鲩肉质爽脆结实，冇咩细骨。
🥢鲜鸡件都几嫩滑！
张贴
