好味來正宗重慶美食 (已結業)

今日同朋友去红馆睇演唱会，去之前当然就要医肚先先啦，我地去左一间小店到食重庆野。佢呢度全部都系地道既重庆菜式。重庆既野食大部分都系辣既，所以我地就点左杯自磨豆浆解解辣。豆浆唔会好甜，有清清既豆味，感觉好健康。我地点左个双拼饺子，分别玉米香菇饺同埋韮菜猪肉饺，呢度既饺子系每日新鲜制作，卖哂就冇架啦。仲有红油抄手，点左少辣，唔错！呢个自制凉面亦都唔错，好地道既味道。食哂啲主菜，系时候食甜品啦，食完啲辣野，食一碗玫瑰冰粉就最适合不过啦！