叠記咖喱

夜晚餓餓哋又唔想煮飯，入咗間麵店食。餐廳由澳門過嚟，主打咖喱牛腩，另外有多款唔同種類嘅麵食、飯、小食等供應。最多人叫應該係佢哋嘅雙拼麵，可以自行選擇麵條，配菜，醬汁等，唔夠飽嘅亦可以再加麵底同埋主食。雙拼麵要咗河粉，軟硬程度適中，湯底本身無味道，所以一定要選擇醬汁，滷水汁、腩汁、瑞士汁，個人最鍾意後者，味道最濃郁，鹹中帶甜。配料方面有豉汁牛腩同牛筋，牛味突出，唔嚡，牛筋爽口，而且幾入味。必點炸豬扒，炸至酥脆，薄切，鹹香味十足，越食越過癮，一塊絕對唔夠食。菜品方面有蘿蔔同生菜，新鮮，鮮甜，無渣，唔錯。水餃就有兩粒，皮薄餡靚，可以試試。