Running 燒 (已結業)

差唔多成年冇食过韩烧，之前听过话哩间几好，所以特登嚟到Popcorn呢度揾到呢间试吓🥰🥰原来呢度都系用QR code点野食，真系又方便又环保呀！🥩肉类种类多呢度有牛丶猪丶鸡丶羊同海鲜，应有尽有！我就试左雪花牛仔肉丶牛五花肉丶西施牛肉片丶牛柳粒之类。牛五花肉有成块碟咁大，而且油脂分布均匀，都几好味😋！牛仔骨同牛柳粒较其他肉类厚，会有啲难熟，不过其实咬落去都几软架。另外牛肉片大约两只手指咁大而且较薄，烧完之后啱啱可以一啖食晒！🤟🏻👍多种熟食选择如果觉得烧烧下觉得厌，咁呢度就啱晒你啦，因为呢度有好多唔同种类嘅食物，例如冷面丶乌冬汤面丶辛辣面丶温泉蛋紫菜饭之类，炸物有炸鸡同埋炸鱿鱼，仲有各种泡菜同芽菜，鸡翼薯皇之类，最后梗系唔少得甜品啦，呢度仲有Dreyer”s 雪条丶木糠布甸丶泡芙等等！我自己嘅觉得呢度嘅冷面面条烟韧，味道酸酸地，份量又啱啱好几啖食晒，可以留返个胃食其他嘢！🤟🏻而乌冬同紫菜饭份量较多，味道正正常常，如果除咗肉类想食其他嘢都可以嗌吓㗎！