影片
更多
2024-08-18
233 浏览
我有个群组有个朋友极力推介我哋去吃日本料理铁板烧，佢哋话呢间餐厅系间食物高质素、好好食、环境一流、好受客人欢迎嘅餐厅， 由经验丰富嘅厨师掌舵，我朋友仲话这间餐厅开业一周年，全日午市晚市正价套餐都有八折优惠。这间餐厅名叫泷宴，位于铜锣湾糖街25-31号Sugar + 26楼，铜锣湾地铁站E出口，行几分钟就到，非常方便，今午就同亲友去食。这间餐厅在商业大厦的26楼，一出电梯，已经见到环境宽敞明亮，装修得金碧华丽，以日式风格为主，枱椅摆放亦阔落，外面景观开扬，从窗边位置，透过落地大玻璃观望到维多利亚公园的美丽景色，同埋靓海港景色，好令人感到舒适写意食得开心，而店员有礼貌服务态度好，佢地会时刻留意客人，时常为客人加茶水及清理枱面。这间餐厅嘅餐牌食物嘅款式非常多，睇落食物好吸引，尤其是Lunch Special Menu，有9道好味菜式，包括有季节前菜、刺身、寿司、鹅肝、大虎虾、帆立贝、顶级牛肉、炒饭配汤、炒什菜，真系超级大满足，我哋就叫来食。首先来季节前菜，个卖相好精致，杯日本面颜色好靓嘅粉红色，食落爽滑可口，连埋小黄菊花粒同小紫菜条，味道清爽，令人开胃，好正嘅前菜。🌟刺身有油甘鱼和吞拿鱼，两
我有个群组有个朋友极力推介我哋去吃日本料理铁板烧，佢哋话呢间餐厅系间食物高质素、好好食、环境一流、好受客人欢迎嘅餐厅， 由经验丰富嘅厨师掌舵，我朋友仲话这间餐厅开业一周年，全日午市晚市正价套餐都有八折优惠。这间餐厅名叫泷宴，位于铜锣湾糖街25-31号Sugar + 26楼，铜锣湾地铁站E出口，行几分钟就到，非常方便，今午就同亲友去食。
这间餐厅在商业大厦的26楼，一出电梯，已经见到环境宽敞明亮，装修得金碧华丽，以日式风格为主，枱椅摆放亦阔落，外面景观开扬，从窗边位置，透过落地大玻璃观望到维多利亚公园的美丽景色，同埋靓海港景色，好令人感到舒适写意食得开心，而店员有礼貌服务态度好，佢地会时刻留意客人，时常为客人加茶水及清理枱面。
这间餐厅嘅餐牌食物嘅款式非常多，睇落食物好吸引，尤其是Lunch Special Menu，有9道好味菜式，包括有季节前菜、刺身、寿司、鹅肝、大虎虾、帆立贝、顶级牛肉、炒饭配汤、炒什菜，真系超级大满足，我哋就叫来食。首先来季节前菜，个卖相好精致，杯日本面颜色好靓嘅粉红色，食落爽滑可口，连埋小黄菊花粒同小紫菜条，味道清爽，令人开胃，好正嘅前菜。
🌟刺身有油甘鱼和吞拿鱼，两款刺身都肥美又鲜甜，令到入口嫩滑甜美，又感觉好新鲜，尤其是油甘鱼个味更令人难忘，鱼肉质素真系一流。寿司系鲷鱼寿司配黑松露和吞拿鱼寿司配自制酱汁，两款寿司配搭不同酱汁令到个寿司好味好食，先系口感有鱼既新鲜味，亦有日本米嘅美味，再慢慢渗出酱汁嘅香味。
🌟香煎鹅肝配上多士上枱已经闻到鹅肝香味，鹅肝有脂香，所以煎得真系好香浓，有牛油香气又脆口嘅多士在浓浓的鹅肝下，加上用自家制酱汁一齐食非常夹，食完仲有甜甜黑豆来满足囗感，真系不错做法。野生大虎虾都大只，虾肉鲜甜美味，牛油味很重，个虾头仲煎得好香脆，连埋啲虾壳食脆卜卜，加上柠檬汁食又系非常好食。
🌟香草牛油帆立贝都厚身鲜味，食落香滑爽囗，好香牛油味，加上帆立贝底部有特制紫菜汤，香甜好味，食完帆立贝饮埋啲汤，好有口感嘅食品。顶级牛肉分别有厚烧、薄烧牛柳肩，厚烧五成熟刚好食，肉质弹牙多汁，又好香牛肉味，而薄烧牛柳肩入面有香葱、炸蒜、肉碎，令牛肉嘅味道更香浓，仲有香炒盐、香甜洋葱、香脆蕉片来配搭，真系样样都好夹来食。
🌟铁板炒饭入面有香葱、樱花虾、蛋、蟹肉、红萝卜粒，饭炒得够干身，粒粒饭分明，加上材料丰富，非好够味道，而昆布汤饮落好有鲜甜味，好配合食铁板炒饭，炒什菜系炒新鲜嘅芽菜同韮菜段，加上用自家调制蒜蓉酱来点食芽菜，真系食得好滋味。
这间高级日式铁板烧料理餐厅好值得向大家推荐，价钱相对于食物的质数和味道，真的好超值， 亦感受到厨师嘅用心同好手艺，下次一定再来食晚餐。
张贴
