影片
更多
2018-06-26
2783 浏览
朋友话之前食过呢间酒楼嘅火锅唔错，于是呢日就约咗家人嚟试吓。我哋要咗任饮任食火锅，饮品都系自助，有汽水、啤酒、乌龙茶等选择。我哋先要咗鸳鸯汤底，沙爹汤底好足料，有好多花生碎，好香，芫荽皮蛋汤底食到芫荽味，贪佢下吓火。另外，叫咗个重庆鸡煲，呢个好惹味，辣辣哋咁，啲鸡肉一啲都唔嚡。食完鸡煲，就叫咗个冬瓜瑶柱锅，呢个汤底系清甜𠮶种。除咗任食配料外，餐厅会提供精选食材，呢晚我哋有金钱蚝皇花胶，冬菇入味，啲花胶好厚身好大块，食完个嘴系黏住，正! 再嚟就系刺身拉盘，全部刺身都好新鲜，带子好鲜甜，三文鱼肥美。至尊水饺好足料，有劲多虾粒，鲜味又弹牙! 之后就系环球海鲜盘，有海虾、元贝、贵妃蚌、龙趸片、大青口、鳝片、鱿鱼同龙虾，所有海鲜都好新鲜，海虾好弹牙，龙趸片同鳝片都好有鱼味，一啲腥味都无，贵妃蚌好厚肉，总之佢啲海鲜份量都多，又唔会将货就价，细细只咁，样样都大大件，最惊喜系呢个价钱每人都可以有几件龙虾，真心抵! 阿翁极级牛颈脊份量都唔少，啲牛肉有超香浓肉味同脂香，渌耐咗都唔会韧，食得出系新鲜优质货，食到呢个 moment，已经饱咗一大半。再嚟就系任食配料，叫咗响铃、肥牛、唐生菜、炸鱼皮、鲜虾滑、鱼皮
我哋要咗任饮任食火锅，饮品都系自助，有汽水、啤酒、乌龙茶等选择。
我哋先要咗鸳鸯汤底，沙爹汤底好足料，有好多花生碎，好香，芫荽皮蛋汤底食到芫荽味，贪佢下吓火。
另外，叫咗个重庆鸡煲，呢个好惹味，辣辣哋咁，啲鸡肉一啲都唔嚡。
食完鸡煲，就叫咗个冬瓜瑶柱锅，呢个汤底系清甜𠮶种。
除咗任食配料外，餐厅会提供精选食材，呢晚我哋有金钱蚝皇花胶，冬菇入味，啲花胶好厚身好大块，食完个嘴系黏住，正!
再嚟就系刺身拉盘，全部刺身都好新鲜，带子好鲜甜，三文鱼肥美。
至尊水饺好足料，有劲多虾粒，鲜味又弹牙!
之后就系环球海鲜盘，有海虾、元贝、贵妃蚌、龙趸片、大青口、鳝片、鱿鱼同龙虾，所有海鲜都好新鲜，海虾好弹牙，龙趸片同鳝片都好有鱼味，一啲腥味都无，贵妃蚌好厚肉，总之佢啲海鲜份量都多，又唔会将货就价，细细只咁，样样都大大件，最惊喜系呢个价钱每人都可以有几件龙虾，真心抵!
阿翁极级牛颈脊份量都唔少，啲牛肉有超香浓肉味同脂香，渌耐咗都唔会韧，食得出系新鲜优质货，食到呢个 moment，已经饱咗一大半。
再嚟就系任食配料，叫咗响铃、肥牛、唐生菜、炸鱼皮、鲜虾滑、鱼皮饺及炸芋件等，响铃芋头索汤入晒味，肥牛都好味，虽然系任食，但质素一啲都唔差，呢餐食到劲饱呀!
埋单每人都系$300左右，食到咁多款高质食材，真心觉得回晒本!
张贴
