全日雞實驗所 (通菜街)

营业中

休息中

喺旺角女人街入面，俾我发现到有间叫「全日鸡实验所」温泉鸡饭店，见佢个名几得意，而且我本身都好钟意食海南鸡，所以就决定同朋友试一试，虽然佢晚市条队都几长，但估唔到有几快可以入到去，而且期间都见到有好多人叫外卖，试完果然冇令我失望 😋温泉鸡套餐我就拣咗呢个温泉鸡套餐，贪佢可以试齐鸡髀、鸡翼同埋鸡胸，鸡髀滑嘟嘟，鸡胸啖啖肉，鸡翼就食到鸡油嘅香味，鸡肉少少咸咸地，就咁食都好好味，当然点埋豉油同姜蓉就更加提升到佢嘅味道啦 😍温泉鸡髀套餐朋友就叫咗呢个温泉鸡髀套餐，因为贪佢啖啖肉，鸡髀肉超级滑，完全冇令我哋失望，佢仲加咗酱油糖心蛋，个鸡蛋嘅糖心整得好靓，少少咸咸地，几好味 😋 葱油干捞面、冇味精靓汤、酱油小黄瓜套餐可以拣香饭、米粉或者捞面，我哋就拣咗葱油干捞面，葱油香味好浓，但又唔会觉得好油腻，配埋干蒜，劲香口 😍 碗汤都好鲜甜，平时食海南鸡饭对汤冇太大期望，估唔到呢个入口系好有惊喜，甜甜地，饮完之后完全唔会口干 👍🏻 再加埋清新嘅酱油小黄瓜，好钟意佢哋嘅调味，少少咸味刚刚好提升到食材嘅鲜味，食完唔会觉得好疲劳 🤤咖央多士估唔到呢度仲有甜品食！叫咗咖央多士，多士烘得够香脆，香甜嘅咖央配埋大大旧嘅牛