莆田 (荃灣廣場)

营业中

休息中

星期日系荃湾揾食，揾到呢间星期日下午都有2人餐，望落餐牌都几多嘢食，所以入咗黎试下。叫咗个2人餐C，本身一坐底就有一小碟前菜送嘅，每台都唔同，而我哋呢台，系陈醋木耳。醋味唔会好浓或太酸，有红椒仔辣椒仔调味，唔辣但够惹味。C餐入面有4个𩠌，首先系糖醋皮蛋、黄金包、豆丸肉汤同蒜茸炒荷兰豆糖醋皮蛋粒粒都好大旧，表面轻轻炸过，加上糖醋汁酸酸甜甜，入面皮蛋白位好弹牙，皮蛋黄有少少溏心嘅感觉，好食。之后上台嘅系黄金包，个包炸到好松化香口，再配埋呢个好似上海菜嘅炒肉丝好似食中式汉堡包咁，几有趣，唯一就系炒肉丝唔算太热。接住就系豆丸肉汤，豆丸其实系豆腐同猪肉丸Mix 埋一齐，入面有D 菜甫咁，另外仲有些少排骨，个汤偏油偏咸，唔算系最好食。之后就系蒜茸炒荷兰豆，系好普通，但荷兰豆好爽口，唔错。之后主食方面叫咗个菜包饭，都好大盅。虽然睇唔出点样菜包饭，但个饭底好似荷叶饭咁咸咸地都几香又够热，都唔错。但败笔之处系之前已经食咗4大碟𩠌，根本食唔落咁大盅饭。最后甜品方面叫咗个莲子银耳汤，明明张单系写热嘅，上台时已经系唔知边到放到凉晒。负分。其实整体野食味道系好食，甚至连上台嘅菊花菜都好香。而且价钱方面仲好抵食，