JK Brother's Gold (已結業)

即日预约竟然有位，已经觉得好好彩。七点到，唔驶等就入得，坐6人卡位，好宽敞。汤底有８款，我地选左日式寿喜烧。肉类同刺身要用电话落单，其他面饭，炸物，丸类，疏菜，汤，饮品（清酒／白酒／台式饮品／汽水），甜品（牛奶布甸，雪糕雪条，不过movenpick 头30分钟已经俾人攞哂)就要自己去攞。另外，仲可以在大水缸捞花甲同虾，花甲好甜又无沙。星期一至五特价$308/位，八达通或现金找数第二位仲有半价。4人任食120分钟一仟蚊都唔驶，真系好抵食。