半島漁港/阿翁火鍋館

营业中

休息中

去咗男朋友屋企附近晚饭，原来秀茂坪商场都有半岛渔港，钟意食海鲜嘅我就提议入去食。职员安排好坐位后就开始逐个餐牌睇吓有咩啱食晚就发现做紧$1优惠，$1可以选择乳猪仔、文昌鸡或者烧鹅皇，最后就拣咗极品BB猪，另外点咗个海鲜双拼（蛏子皇拼海虾），再加多两只扇贝同埋红烧豆腐煲。先上咗个海虾，望落去D虾都好新鲜，食落好弹牙！红烧豆腐煲都好大煲，豆腐亦都好嫩滑。蛏子皇果然够哂大只，每只都好鲜甜爽口。蒜蓉粉丝蒸扇贝嘅扇贝好大粒，配合埋蒜蓉粉丝真系无得弹。BB猪上到枱都仲暖暖地，入口香脆嘅皮好似食紧薯片咁。埋单前仲有桂花糕送，真系果然街坊价钱特别抵食。