炳記牛牛 (已結業)

炳记牛牛系我读书时嘅饭堂，真系差不多有六七年冇嚟过啦。今日行开过嚟呢边，突然间醒起呢间有鸡食，即管过嚟望吓仲有冇啦！呢度食饭真系好抵，虽然系旺角区，但四十蚊唔驶就食得饱你！我嗌左麻辣鸡饭，份量超多！除咗面头淋上嘅麻辣汁，仲有好多花生碎，十分之香口！味道唔太辣，再辣D就正！而饭都几大碗，超抵食！对面女士见到我嗌佢都嗌咗份！但系佢就好似冇我呢碟咁靓啦～我呢份鸡胸有厚，又有脾同埋鸡翼！真系超抵！跟餐附送饮品，我贪新鲜叫咗杯青柠绿茶，味道OK都几易入口，佢哋真系好有谂头啊！