紅米 (華都商場) (已結業)

抵食晚餐住得咁近屯门夜晚就梗系喺屯门食埋先返屋企啦，所以去咗新都𠮶度食返个晚餐先返去冲凉。𠮶度啲嘢食大件夹抵食，叫到好似放题咁买单大概$271左右，平均每个人$136左右。极上鲍鱼花胶花菇滑鸡汤饭$58白饭嘅份量好多，虽然已经叫咗小饭，但仲系觉得都几多，哈哈。鲍鱼花胶鸡汤嘅汤底几好饮，攞嚟做泡饭好养生。花胶都几有弹性咬口。鲍鱼真系有鲍鱼，哈哈，冇花冇假。成个泡饭$58仲有嘢饮真系几抵。邪恶烧芝士玉子烧$48烧汁同沙律酱同埋玉子烧嘅配搭味道都几夹，仲要有紫菜同埋柴鱼丝，卖相都几靓。蜜糖柚子烤鸡翼六只$38鸡翼有三只同埋六只可以拣，因为我哋两个都钟意食嘅嘢，所以直接叫咗六只啦，哈哈。蜜糖烤鸡翼唔使讲都知系咩味道，要有埋柚子酱，味道都好夹嘅。招牌王牌杂扒饭$99另外加咗$20，有埋红汤同埋牛角包同埋沙律。个蒜蓉汁都几惹味。又有鸡扒又有猪扒，仲要有埋司华力肠同埋烟肉，食完都好饱，每一啖都啖啖肉。上枱嘅时候热辣辣，啱晒啲食肉兽，嘻。