泰妹餐廳 (The Wave) (已結業)

今日系apm 行完街，就行過去官塘工廠大廈果邊食泰國菜。點左呢個$338二人餐。冬蔭海鮮湯真是材料十足，仲要隻大頭蝦超大隻，肉又爽口彈牙，仲有蝦，魷魚菇等。湯底微辣鮮甜，每人可以飲2碗飛天通菜炒到好夠味道，又微辣又香。香茅雞翼燒到外脆內嫩，炸蝦餅，魚餅又香又彈牙，雞肉串，豬頸肉又燒到好香口配埋醬汁更加入味。泰式海鮮粉絲沙律，粉絲索晒汁的味道好入味，幾開胃又酸酸辣辣。泰式原隻菠蘿海鮮炒飯，有魷魚，蝦，青口，提子乾，腰果和肉鬆好足料，飯粒又炒到好乾身又好夠味道。呢個套餐真抵食，份量又多兩個人真是食唔晒，足夠三個人吃，仲要系$338唔使加一。