銀座神樂屋 (已結業)

今日同事请食饭，由同事拍办拣左呢个餐厅。事前已经被告知餐厅平日午时好多人帮衬，餐厅午时又无得预约，所以十二点已经去攞位先。结果到大概十二点半时餐厅将近满。餐厅午时主打日式汤乌冬，或有刺身、丼饭等可供选择，而午时套餐会跟饮品同软雪糕。我自己拣左鸡肉汤乌冬，配上寿司。乌冬口感滑溜弹牙，即使食到最后都唔会淋哂。撇除胡椒嘅调味，汤自身味道偏淡，因而食得出菜蔬配料嘅味道。但上述嘅胡椒味有啲抢左汤嘅味道，过份突出。寿司方面鱼生正常有鲜味。而最后软雪糕反而有惊喜。雪糕系连碟一齐放入雪柜保存，所以唔会溶得太快。雪糕呍呢嗱味浓郁，食完汤面做甜品确实唔错。套餐份量多，商业区黎讲呢个价钱算抵食。餐厅午巿非常忙碌，食午巿要有心理准备要等少少时间先有侍应过黎。