Via Tokyo (已結業)

食完霸吗拉面未够饱，仲想食甜品，谂起Via Tokyo就喺附近🤓 尖沙咀分店开左之后唔使去到铜锣湾都食到，好方便！夏天梗系食冻野消消暑首先嗌左厥饼焙茶雪糕，雪糕一如以往既好味，不过比起抹茶味好似甜左少少。两粒抹茶厥饼唔烟韧，茶匠清水一芳园既出色好多🙁Via Tokyo近排出左日式刨冰，当日有士多啤梨/焦糖忌廉/抹茶/焙茶，仲有季节限定既樱花味！感觉都系叫番Signature抹茶味最稳阵，结果冇拣错，真系好好食最顶有海量抺茶忌廉，同抺茶味浓既刨冰一齐食，满口都系幸福既感觉😍食到底仲有红豆蓉，旁边既白玉都好烟韧。唯一要小心既系刨冰好易倒塌😂同另一日本刨冰专门店shari-shari比较，觉得shari-shari既刨冰好食D，但via tokyo既抺茶味冇得输呢。值得一试！