影片
更多
2014-12-20
1888 浏览
出完街想食个简便晚餐！又唔想行咁远，所以在车站附近揾！登龙街开了几间拉面店，今晚想试未试过嘅，一间排长龙，一间唔使排队，带住肥髀唔方便排队！就去金田家！门口两个女店员好好笑容，枱櫈唔迫！几舒服，店内播住日文歌，入内坐一张靠墙二人枱，白墙深木枱，好朴实，枱面有齐餐具调味料，好干净整齐！店员知道我第一次食，好耐心讲解三种拉面嘅分别，又会问要暖水定冻水，见我抱住手袋，又搬张櫈比我放袋，仲会攞条毛巾盖住，肥髀食完面，店员仲湿咗张纸巾比佢抹咀！我叫一个拉面再加替玉，店员会问我使唔使即上，佢都估到我加大同肥髀食，都会问一句，唔会机械人咁替玉后上，再特别提醒厨房即上，呢啲服务唔系一个，系几个唔同嘅店员做，仲要我食完问关于拉面嘅问题，佢哋面都耐心答我！我觉得呢间面店服务真系超越我想像地好！好小事但窝心，好值得推荐！点餐用点餐纸，其实得三款拉面，再决定拉面硬度，走唔走葱，呢间面店好专心做面，除了拉面，连饺子都无，饮品都只得两样，我知日本人拉面店都系咁，但好多来香港之后都改变了，欣赏日本人嘅坚持！金田家豆芽叉烧拉面：卖相好干净，每种配料分明，我系比芽菜吸引，爽口，木耳丝有咬口，葱花全细青葱，嫩绿爽口，好正
点餐用点餐纸，其实得三款拉面，再决定拉面硬度，走唔走葱，呢间面店好专心做面，除了拉面，连饺子都无，饮品都只得两样，我知日本人拉面店都系咁，但好多来香港之后都改变了，欣赏日本人嘅坚持！
金田家豆芽叉烧拉面：卖相好干净，每种配料分明，我系比芽菜吸引，爽口，木耳丝有咬口，葱花全细青葱，嫩绿爽口，好正！叉烧片薄身，肥瘦相间但唔油腻！店员话系猪腩片，写明清淡口味，汤底声称煲了15小时，味道浓厚，浆口但唔会好油，我钟意呢种清啲嘅汤！拉面我们拣了普通硬度，拉面属于幼面，唔会硬，挂到汤，略嫌软身（个人口味）！不过第一次食叫普通最稳阵！
替玉：估唔到替玉有葱花及叉烧粒，我问店员，佢话叉烧切到尾切唔到片，就切粒比替玉嘅客人，唔浪费又可以比替玉客人加𩠌，几好！自己喜欢叉烧粒多啲，唔嚡又有咬口！肉味仲浓！
埋单只系$104，两个人铜锣湾晚餐！好抵！
冬天食一碗热辣辣拉面！好幸福！
张贴
