拉麵達人 (已結業)

如果去食拉面，大家都系去熟悉，成日去开的拉面店，今次系佐敦就试左朋友介绍话好食既拉面达人。因店铺细小，座位太约只有20个，去到既时候都要等位，不过好快就有得入。店内布置充满日式风情，成间店舖都有日式小摆设。今次我地食左两款面，一个系樱花虾达人，另一个系赤海老豚骨拉面。面食好快就到，两碗面既卖相都唔差。浓虾酱油同豚骨汤做成既汤底非常香浓，而且香味系远处已经感觉到。成个面中心就系呢只手掌咁大既炸大虾，呢只樱花虾虾味新鲜，食落爽口弹牙。其次仲有带子，蟹柳，海带同粟米，面条煮得刚刚好，好弹牙。呢个面系期间限定，俾我既感觉做得期间限定一定有佢独特之处，果然不负我所望，辣味好浓，每一啖既汤都有好重好重既辣酱味，原来系用左日本辣酱。配料有自家制叉烧，味付玉子，樱花海老，海草，粟米等等。值得抵赞既系佢地个叉烧煮得好淋，淋得来又够弹牙，又唔肥。我相信呢个拉面达人既叉烧系用左特别既方法去煮既。另外两个面都有味付玉子，玉子有小小流心，流心既程度刚刚好而且非常入味，汤味完全渗入只玉子里面。味道同日本食到好相似。至于小食方面，我地叫左个吉列芝心虾球。热辣辣新鲜金黄色的芝心虾球就呈现系我眼前，炸得唔会过火，炸粉亦