影片
更多
2016-09-29
605 浏览
老实讲，法国餐系我食得最少最少嘅菜式，唔系我唔钟意食，而系普遍嘅法国餐厅环境暗到乜都睇唔到不特止，仲要有咁耐食咁耐，其实夜妈妈食，真系好眼瞓㗎！要浪漫，真系要付出代价..... 但近排听闻渣甸山开咗间法国餐，睇相又几靓几光猛㖞，又有免费泊车，今晚就同爸妈去试吓！真系开心，未嚟过一间咁光猛嘅法国餐厅，老板娘Haddy带我哋去到尽头𠮶间房，楼底真系高，高到呢..... 喺文化砖墙上仲有一堆放红酒嘅架，另一边就有个小火炉，四围都系雪山嘅画，似足法国家庭式小餐厅咁，环境已经够讨好，张櫈仲要非常好坐... 一坐低已经唔想走！睇睇menu先，5个course $488一位？！3个人，就叫2个set，加一个main dish之后share就啱啱好喇！龙虾汤未饮，闻到已经香到不得了！质感冇平时饮开嘅lobster bisque咁浓，呢个比较稀啲，但味道非常鲜甜，好似食紧好多只龙虾咁样！不过饮落有少少辣...法式洋葱汤比较稀，上面浮住一块面包及少量芝士，嫌唔够cheese嘅，旁边仲有一小碗cheese！洋葱味道非常浓，每小粒洋葱都好熟好软绵，但因为芝士唔系太多，所以唔会盖过咗个汤本身嘅鲜甜味道田螺批平时
真系开心，未嚟过一间咁光猛嘅法国餐厅，老板娘Haddy带我哋去到尽头𠮶间房，楼底真系高，高到呢..... 喺文化砖墙上仲有一堆放红酒嘅架，另一边就有个小火炉，四围都系雪山嘅画，似足法国家庭式小餐厅咁，环境已经够讨好，张櫈仲要非常好坐... 一坐低已经唔想走！
睇睇menu先，5个course $488一位？！3个人，就叫2个set，加一个main dish之后share就啱啱好喇！龙虾汤未饮，闻到已经香到不得了！质感冇平时饮开嘅lobster bisque咁浓，呢个比较稀啲，但味道非常鲜甜，好似食紧好多只龙虾咁样！不过饮落有少少辣...
龙虾汤
30 浏览
0 赞好
0 留言
比较稀，上面浮住一块面包及少量芝士，嫌唔够cheese嘅，旁边仲有一小碗cheese！洋葱味道非常浓，每小粒洋葱都好熟好软绵，但因为芝士唔系太多，所以唔会盖过咗个汤本身嘅鲜甜味道
法式洋葱汤
22 浏览
0 赞好
0 留言
25 浏览
0 赞好
0 留言
平时食焗田螺就食得多，今次变咗做批唔知会点呢？先食碟上面𠮶3粒先，点埋homemade香草忌廉汁，正！切开个批，劲crispy，一切就碎晒，入面塞满田螺，劲开心，钟意食田螺嘅朋友应该会好钟意食！
田螺批
19 浏览
0 赞好
0 留言
田螺批
20 浏览
0 赞好
0 留言
有3块好薄嘅鸭胸，原来喺法国攞过金奖㗎，食落好似火腿咁样，好浓烈嘅smoke味道不过易入口；当店员上菜时，我仲心谂个沙律兜咁得意嘅？原来系专登焗出嚟㗎，好薄好脆，入面除咗沙律菜外，仲有蓝莓、杏脯肉、松子仁、hazelnut、橄榄、萝卜丝，口感丰富到不得了，够晒有诚意，份量仲非常大，3个人食都完全冇问题！
鸭胸沙律
21 浏览
0 赞好
0 留言
鸭胸沙律
28 浏览
0 赞好
0 留言
并唔系普通嘅羊，系来自Sisteron嘅乳羊，当日法国总统奥朗德都系用呢度嘅羊嚟款待英女皇㗎！我唔食羊，但根据爸爸所讲，肉质好腍，睇住佢只系用刀将旧羊肉搬上碟已经散咗一半，可想而知系几咁松化。但由于系乳羊嘅关系，所以唔系太臊，连平时唔食羊嘅妈咪都食到，不过我都系唔敢去试。其他配菜亦都出色，有豆、萝卜、瓜及去皮薯仔等，爸爸近排已经细食咗好多，但佢都食晒成碟菜，犀利！
羊肩
19 浏览
0 赞好
0 留言
羊肩
18 浏览
0 赞好
0 留言
羊肩
20 浏览
0 赞好
0 留言
法国黄油春鸡（半只）蜜糖芥末子
$188
15 浏览
0 赞好
0 留言
旁边一堆黄色嘅，我以为系蜜糖芥末子酱添，原来系risotto? 食完都唔记得问添... 黄油春鸡肉厚不过啲骨好细，我都未食过咁细只咁得意嘅鸡翼哈哈，薄薄嘅皮下面差不多系零脂肪，肉嫩而且鸡味香浓；最吸引嘅系竟然系喺鸡皮度食到蜜糖芥末子嘅味道，平时唔食鸡皮㗎，好在有切嚟试吓咋否则走宝喇！而鸡下面嘅配菜同样地都系诚意十足，今次就唔系去皮薯仔喇，而系连皮嘅焗薯，食食吓乜咁似细个成日食𠮶只新薯嘅？𠮶阵妈咪会买一包新薯焗俾我返学食，连皮嘅薯仔的确有另一种风味，哈又俾我揾到童年回忆㖞！仲有少量烟肉，不过烟肉就肥咗啲了
法国黄油春鸡（半只）蜜糖芥末子
$188
20 浏览
0 赞好
0 留言
法国黄油春鸡（半只）蜜糖芥末子
$188
23 浏览
0 赞好
0 留言
其实都已经饱饱哋，哇呢个份量又咁大嘅？其实4个人都真系食得落啰！切开酥皮，哇块牛柳大到不得了，点少少牛肝菌汁，太惹味喇！我非常欣赏个汁，因为除咗牛肝菌之外，仲俾我揾到羊！肚！菌！哇哈哈，两种最爱嘅菇捞埋一齐做汁，不得了咯！最后都系要同Haddy讲，唔该俾多啲汁我吖，唔够啊...... 不过挂住一路食一路讲，最后个牛柳冻咗，可惜，但可幸佢哋上main dish嘅碟全部都系热㗎，抵赞！同样地，呢个main dish都有薯仔做配菜，不过今次嘅系非常特别，系一小座用薯仔切成一片片再叠高嘅薯仔山，超级可爱啊！中间仲要搽满牛油及芝士，再充斥住浓烈嘅蒜头香味呀，救命呀好邪恶呀但我真系食唔落呀，不过真系好好味，最后都系食晒...... 仲有一小串法国车厘茄，灵舍鲜甜多汁，佢隔离有一串用烟肉包住嘅豆，几有心思，唔系求其放一堆豆出嚟咁样！
酥皮焗牛柳
21 浏览
0 赞好
0 留言
酥皮焗牛柳
30 浏览
0 赞好
0 留言
酥皮焗牛柳
28 浏览
0 赞好
0 留言
牛肝菌汁
27 浏览
0 赞好
0 留言
酥皮焗牛柳
20 浏览
0 赞好
0 留言
当然，甜品系另一个胃。
一向对brownie都冇乜好感，因为觉得佢好甜，不过有爸爸喺度，佢钟意朱古力，食得到嘅！呢件brownie冇相像中咁硬，比较易切开嚟食，入面仲有合桃咁得意嘅？！而且甜度适中，放少少自家制Vanilla雪糕一齐食，又几好食㖞！我都忍唔住食咗几啖
Brownie配雪糕
23 浏览
0 赞好
0 留言
Brownie配雪糕
17 浏览
0 赞好
0 留言
Rhubarb mousse (是日甜品)Haddy话呢个系用一种酸酸哋嘅生果(Rhubarb)做成嘅mousse，妈咪话佢喺超市就见得多，食就未食过，咁就梗系一定要试吓喇！mousse系好浅好浅嘅紫色，味道酸酸清新，食饱主菜食返个咁酸嘅甜品其实真系唔错！
Rhubarb mousse
13 浏览
0 赞好
0 留言
差不多食完嘅时候，同Haddy倾几句，原来佢哋之前喺元朗嘅，后来居民协会邀请佢哋嚟渣甸山开餐厅，佢哋一直想将大部份食材都由法国订过嚟，但奈何要雪呢，而呢度比以前大好多，大都可以放11个雪柜，所以而家可以开始喺法国订食材过嚟喇。小至车厘茄及薯仔，大至羊肉都系来自法国㗎！$488一个餐可以食到来自法国嘅食材，会唔会抵咗啲呢？所以呢个价钱只会做埋9月30日，之后就会加价了（不过未知加到几钱㖞！）我就心谂喇，而家好多钟意渣车四围试有特色餐厅嘅年轻人，呢度完全符合条件㖞！够晒静啦、价钱合理、装饰又靓又有风味啦，最重要冇法国餐厅𠮶种拘谨吖嘛！成餐饭都食得好轻松愉快，而且上菜速度跟得住香港人嘅急促，我食咗2个钟咋！
拍拖嚟食一流，哈哈！
张贴
