九鼎記粉麵世家

营业中

休息中

九鼎记粉面世家📍旺角弥敦道575号地舖晚上经过弥敦道被呢间粉面世家招牌吸引住，一个牛头形招牌写住九鼎记，再喺玻璃窥探见到一大煲牛腩牛什，口水差啲流出嚟，就同朋友入咗去，入去问师傅有咩好嘢，师傅介绍有牙就双沙河，即系崩沙腩同牛沙瓜，牛沙瓜听就听得多，终于有机会喺旺角闹市试到，朋友嘅选择困难症比我更严重，睇餐牌五分钟仲未拣到，我提议佢食招牌八宝河，朋友非常乐意但要幼面。牛沙瓜口感特别有啲爽口，需要咀嚼但唔系韧更加唔系硬，系咬得断，值得一试，崩沙腩系牛腩最靓部位，肥瘦均匀有筋膜连住软腍味香。八宝面唔使多介绍，有牛腩、金钱肚、牛筋、鱼皮饺加四种丸，真正一个价钱八种享受。仲有炸云吞即叫即炸，云吞皮系有啲松脆𠮶只脆皮口感，包住猪肉同虾仁鲜得嚟有肉香。炸墨鱼丸炸到金黄表面，弹牙之余仲有墨鱼粒多重口感。粉面汤底唔算好浓，反而突出主材料嘅味道，而且价钱经济实惠，例如双沙河同八宝面各自都系六十多圆，崩沙腩河更系五十几蚊，性价比高。最最最重要个辣椒油超级香，辣度更加系唔讲得笑，一定要试。