影片
更多
2022-04-03
37 浏览
榆越系天水围开左一段时间，一直都无机会试，最近听街坊讲佢地食物质素唔错，价钱又亲民，就打算黎试下啦。我地一行两人，叫左一份法包同几个小食。越南炸虾饼 （六件）:炸虾饼系我最喜欢既小食，一碟总共有六件，以＄36黎讲算系好超值。虾饼炸得刚刚好，外层金黄够脆，入口爽口弹牙，口感十足，鲜虾味道够重，再配埋酸辣汁食，风味十足，真系好好味。酸辣无骨凤爪 :凤爪对于我来讲系东南亚菜里面著名小食之一，怕骨既我最喜欢就系呢个酸凤爪，食落非常爽口，唔洗吐骨之余味道仲酸酸地咁，好开胃，令人食完一只到一只。越南香茅蔗虾 （4件）:蔗虾好大条，材料足，虾肉非常弹牙，甘蔗多汁清甜，值得一赞。越式大虾沙律 :天气开始热，食沙律消暑就最好不过了，呢个越南风味嘅沙律有大虾、椰菜丝、青瓜、车厘茄同埋蛋，再加入青柠汁，味道酸酸地，令人食得非常开胃。鸡丝扎肉越式法包 :法包卖相非常精美，呢度嘅法包系自家制，有大约一只筷子咁长，食落外脆内软，入口松软湿润，法包包住鸡丝同扎肉，加入蕃茄、青瓜、芫荽、九层塔、牛油、猪干酱同埋泰式辣酱，整体配搭唔错，最值得一赞嘅系店员上菜后等我地相机食先先再帮我地将法包切开，咁我地食嘅时候就方便好多
我地一行两人，叫左一份法包同几个小食。
越南炸虾饼 （六件）:炸虾饼系我最喜欢既小食，一碟总共有六件，以＄36黎讲算系好超值。虾饼炸得刚刚好，外层金黄够脆，入口爽口弹牙，口感十足，鲜虾味道够重，再配埋酸辣汁食，风味十足，真系好好味。
酸辣无骨凤爪 :
凤爪对于我来讲系东南亚菜里面著名小食之一，怕骨既我最喜欢就系呢个酸凤爪，食落非常爽口，唔洗吐骨之余味道仲酸酸地咁，好开胃，令人食完一只到一只。
越南香茅蔗虾 （4件）:
蔗虾好大条，材料足，虾肉非常弹牙，甘蔗多汁清甜，值得一赞。
越式大虾沙律 :天气开始热，食沙律消暑就最好不过了，呢个越南风味嘅沙律有大虾、椰菜丝、青瓜、车厘茄同埋蛋，再加入青柠汁，味道酸酸地，令人食得非常开胃。
鸡丝扎肉越式法包 :
法包卖相非常精美，呢度嘅法包系自家制，有大约一只筷子咁长，食落外脆内软，入口松软湿润，法包包住鸡丝同扎肉，加入蕃茄、青瓜、芫荽、九层塔、牛油、猪干酱同埋泰式辣酱，整体配搭唔错，最值得一赞嘅系店员上菜后等我地相机食先先再帮我地将法包切开，咁我地食嘅时候就方便好多。
埋单每人都系＄100，可以试到咁多唔同嘅食物，坐得又舒服，都算系性价比高。
张贴
