豐盛牛肉麵

营业中

休息中

土瓜湾又好几间comfort food 系基本上屹立不倒。有做咗超过二十年既誉面坊、星洲名厨等。基本上过四五年租期都可以留低既都好稳阵。反之一两年就好快拜拜。早晚就去咗呢间台湾牛肉面就应该过咗安全期，应该可以长食长有介绍啲好野先红烧牛腩牛筋面招牌嘢基本上冇得挑剔，牛腩同埋牛筋都问得好淋。而且个牛肉汤亦都有好强嘅黏性，好明显系有足够嘅骨胶原溶咗喺里面。汤味道浓淡适中冇出边牛肉汤一定死咸嘅问题，而且好挂面，食面嘅时候呢会真系食到啲汤会黐住面。我比较钟意食硬身嘅面质，所以佢嘅刚度对我来讲啱啱好。木鱼炸豆腐自从一次见到隔离枱食之后就一试难忘。$20 两带够份量超足。佢里面系用好滑既丝娟豆腐整，真系唔知佢点解整唔烂。外皮够碎再加鸡酱同埋少少辣椒酱，超惹味正所谓不作死就不会死食咗咁多次牛肉面未食过饭，就胆粗粗叫碟盐酥鸡卤肉饭试下。 点讲呢，其实佢用珍珠米但无食台湾饭QQ 个种弹性，卤肉汁太少，盐酥鸡即刻炸，有热辣辣嘅感觉，但唔系太有感觉。奉劝大家都系食返面会最开心加咗几蚊饮两杯野。实在无咩特别，唔讲lu~买单两个人$100多啲，满足。