蟹仙海鮮私房．蒸氣石碢 (環海大廈)

营业中

休息中

门口有只好大只嘅蟹都几得意，今次叫咗佢个尊贵海鲜套餐。加拿大野生海虎虾，啲虾肉都几爽口弹牙，同埋切到个心形出嚟，呢度最好系有人帮手处理埋啲海鲜。台湾九孔鲍鱼同韩国斧山珍珠蚝，只鲍鱼好有口感点埋啲酱汁劲好食，只珍珠蚝好滑肚甜，店员帮手蒸嘅食材真系啱啱好。韩国釜山鳗鱼，呢度嘅鳗鱼真系必食， 出面食鳗鱼通常都系烧嘅，要间餐厅好有信心先够胆做蒸，蒸 完出嚟之后我都觉得好好味啖啖肉。蟹皇大元贝，估唔到佢只扇贝咁鲜甜，上面配咗师傅特制嘅海胆酱。大西洋野生青口同纽西兰刀贝蚌， 佢呢度啲海鲜呢全部都好新鲜，同出面自己买嘅好唔同， 听店员讲佢话呢度个老细做海鲜买手做咗好多年，所以入嘅货都靓好多， 呢度食嘅海鲜真系充满鲜味同埋有好浓烈嘅海水味。野生琵琶龙虾， 虽然佢啲肉就唔算好多，但系一咬落去就觉得好弹牙，同埋有好劲嘅海鲜鲜味，超级好食。之后就到主角出场野生膏蟹， 一蒸完见到爆膏劲开心，啲肉都好多同埋好实净，净系食呢只蟹都值回票价。
最后食埋蒸咗劲多海鲜嘅粥底，个粥好鲜味同埋充满海鲜味真系超正。 仲有蒸蔬菜同埋糖水，个餐真系几抵食，有好多唔同款式。系呀系呀。