影片
更多
2018-03-09
365 浏览
话说上回嘅药膳边炉辣度唔够，总系觉得条「辣瘾」忐忐忑忑，相隔一星期决定再食一次真真正正嘅麻辣边炉！讲到麻辣梗系要四川/重庆至够重口味，所以今次试下呢间新开（同大厦其他店比较）颇有人气既大陆版火锅店。上到去发现原来呢间铺位既前身正正以前帮衬过好几次既某本地连锁「唔开心酸辣粉」，不过入边翻新过，枱枱凳凳都好新净，换晒中国特色既木枱凳，坐得几阔落～二人行打边炉都叫唔到太多，所以叫咗一份细肥牛/紫菜响铃/杂锦菇蓝/同红薯粉。汤底好冲动地叫左中辣（！）加蕃茄汤底鸳鸯锅。蕃茄汤底比想像中浓，一开始先净饮，甜甜地系茄膏既味道，另外加左少少蕃茄粒所以越滚越「杰」，用黎滚菇菌类好挂味！麻辣果边本身都尝试想试饮汤底，点知捞捞捞极都捞唔开果层红油⋯只见到无限多既辣椒籽 花椒粒等等既渣，非常多「料」，虽然心有不妙，但闻到果浸麻辣香已经刺激到标口水⋯细肥牛好靓，肥瘦适中又够牛味，不过如果用蕃茄汤滚就会偏甜同cover左d牛味，所以肥牛都系配麻辣好味d! 杂绵菇既种类都不少，而且处理得好干净，值得一提的是，当中既冬菇系用干货泡水再沥干的，干货比湿货菇味更香，中医角度黎讲食落湿气都无咁重，但干货既处理比较麻
二人行打边炉都叫唔到太多，所以叫咗一份细肥牛/紫菜响铃/杂锦菇蓝/同红薯粉。汤底好冲动地叫左中辣（！）加蕃茄汤底鸳鸯锅。
8 浏览
0 赞好
0 留言
蕃茄汤底比想像中浓，一开始先净饮，甜甜地系茄膏既味道，另外加左少少蕃茄粒所以越滚越「杰」，用黎滚菇菌类好挂味！麻辣果边本身都尝试想试饮汤底，点知捞捞捞极都捞唔开果层红油⋯只见到无限多既辣椒籽 花椒粒等等既渣，非常多「料」，虽然心有不妙，但闻到果浸麻辣香已经刺激到标口水⋯
肥牛（小）
8 浏览
0 赞好
0 留言
细肥牛好靓，肥瘦适中又够牛味，不过如果用蕃茄汤滚就会偏甜同cover左d牛味，所以肥牛都系配麻辣好味d!
杂绵菇既种类都不少，而且处理得好干净，值得一提的是，当中既冬菇系用干货泡水再沥干的，干货比湿货菇味更香，中医角度黎讲食落湿气都无咁重，但干货既处理比较麻烦，估唔到呢度正正系用干花菇！食材加分～
紫菜响铃
6 浏览
0 赞好
0 留言
红薯粉
10 浏览
0 赞好
0 留言
好似返大陆食麻辣边炉一样，呢度枱上嘅香油每人一罐，唔够仲可以再攞，但系锅底已经咁重口味，其实都唔需要再加油了 xD 见到隔离枱内地游客成碗都系香油，真系佩服佩服⋯但都要注意健康唔好太over
话说食到最尾，正当我辣到终于停低休息嘅时候，先发现墙上既装饰画同三国演义人物有关⋯友人一句「云长咪即系关羽啰」已经秒杀左我对中国历史文学有几咁无知（连三国杀都玩唔赢）⋯ 虽然未知「小龙坎」名字既由来，但相信关大哥系蜀国一定都迷上左麻辣边炉带来既刺激同麻痹感。
张贴
