Karui Bento

营业中

休息中

「Karui Bento」主力喺做精致轻食便当外卖生意，晌中环都有分店，放饭时间都有几多想食得健康啲嘅人嚟帮衬。不过，上环呢一家分店就有做埋早市，简简单单只卖3款卷饼，期望都趁早市增加多少少收入。3款卷饼口味包括鸡肉、牛肉、芝士，每一款卖$30，包装简约，卖返去公司，冲番杯咖啡衬吓，喺几唔错嘅配搭。牛肉卷饼 $30拎到返公司，都仲喺热热哋，饼皮喺印度煎饼嘅一类，咬落软软绵绵，有点酥香，里面有一大片煎蛋，塞满厚身嘅牛肉条同青瓜条，所以，食落味道唔单一，牛肉条好软腍，富肉香，青瓜就令到口感添多一份清爽。鸡肉卷饼 $30跟牛肉卷饼差唔多，都喺有大片煎蛋，塞满青瓜条，只喺牛肉换上鸡肉。而啲鸡肉食落就好明显喺加入咗印度香料嘅做法，极似天多尼烤鸡嘅味道，少少辣，惹味，而且，口感又几嫩滑，富肉汁，唔会干峥峥。都唔好睇佢好似唔大件，其实都几饱肚吓。平常较多晌屋企食埋早餐先出门口，但偶尔试吓其他嘢都好唔错。