馬六

营业中

休息中

几个月前马六喺北角开咗新店，新店通常好生意啲，为咗唔想同人逼，所以拖到家阵先嚟帮衬，虽然系咁，但今次都一样要等咗十几分钟先有位。好彩佢哋嘅轮筹系统做得好，由电脑出飞，排到第几位都会喺屏幕显示，一目了然。猴子点咗个沙巴烧鸡葱油拌面，皆因一大只烧鸡脾实在好难抗拒。刻薄啲讲句，烧鸡脾好难整得唔好食，所以今餐满意系意料中事，实际上只鸡脾又系烧得皮脆肉嫩，而且好入味。面亦够香而且软硬适中，唔会话干到一饼嘢咁。附送清汤一碗，可以减少啲油腻感。成间餐厅整体嚟讲算系唔错，地方舒适，啲嘢食又唔差，唔难成为猴子嘅食堂之一。