EverShine

营业中

休息中

近排我饱受暗疮困扰，但我又唔想揾Jacqueline，女友话不如带我食啲排毒嘅食物，所以去左上环新开嘅咖啡店Evershine。望完餐牌先发现女友所讲既排毒食物就系外国非常流行嘅yogurt bowl。由门口望入去餐厅看似狭窄，但原来内有干坤，后面有一个室外地方，地面铺上仿草地垫，加上墙边既花花草草，营造出一个花园既感觉，打卡一流。餐牌每款食物旁边都写卡路里，果然系一间以健康为主嘅餐厅。- 蓝色螺旋藻乳酪碗🥣第一次见到蓝色嘅乳酪，而且属于天然色素，对身体完全无害。味道方面酸酸甜甜，乳酪碗仲有多款健康配料，包括士多啤梨、香蕉、紫薯片、亚麻籽。健康既同时都可以食到脆口嘅紫薯片。- 芝士意大利手工云吞伴番茄汁云吞皮系自家制，馅料以芝士为主，口感烟韧，同时又食到香甜既番茄。- 「暗疮救星」 🌼为左我嘅皮肤着想，我决定双管齐下😤，饮品都要健康。Evershine帮我特别调制一款排毒饮品，主要成份有菊花、罗汉果，清甜之中带甘。- 女神👱🏻‍♀️女朋友叫左女神呢杯饮品，应该系被饮品嘅名称所吸引🤣原来女神味道以洛神花为主，味道酸酸甜甜。- 云石蓝莓芝士蛋糕🍰餐厅充满心思，特意用云石碟衬返蛋糕上既云石纹。