元祖沾麵專門店

营业中

休息中

同朋友去尖沙咀行街，见到厚福街有间沾面好多人排队，朋友又钟意食沾面，就去试一试，拎左张点餐纸就企埋一边等，等左20分钟到就有位喇。见到隔离左右大部分都点极上芝士海胆沾面，有一板海胆，芝士香味攻到去我个边添。而我呢，就点左极上芝士蟹皇沾面+飞鱼子 $158，龙虾汤底，或可选芝士海胆、鱼介、赤虾汤底。面、汤同蟹皇分开上，个样好丰富。个汤黎到既时间仲好滚，里面有d肉粒，加埋个面食，仲有溏心蛋、同几片肉，汤够晒热，龙虾汤好浓味。朋友就叫鱼介沾面 $69，鱼汤都一样好滚，好多气泡，味道浓郁，不过我喜欢龙虾多一点。另外叫左个元祖双层芝士奶盖，乌龙青茶 $28，青茶有些微甜度，清清地，解一解浓郁汤味。