靠得住粥麵小館 (康怡廣場北座)

营业中

休息中

去太古城AEON行街，差不多度食晚餐时间见到靠得住个牌就谂起心肝宝贝粥，即系带子加猪润。所以行去康山商场，行过一条长长嘅走廊经过两间食肆，到达最尾几靠得住粥面小馆。座位好有距离感，五人枱仲有C字型卡位。呢间靠得住同其他分店有点分别，Menu多咗客家菜嘅选择，例如黄酒煮鸡，梅菜炆扣肉，胡椒猪肚汤，北菇炆猪肉，咸酸菜炒猪大肠等。黄油鸡几嫩滑，上枱鸡皮够黄色。最挂住嘅心肝宝贝食粥，猪润厚身大大块，带子都好够斤両，配上绵绵嘅粥底，就算放耐咗都唔会出水，厨师够技巧。上汤杂菜锅，砂锅热辣辣，上汤好有虾干香味。梅菜扣肉送白饭刚刚好，我反而梅菜系最先食晒。