阿媽正宗海南鷄 (已結業)

无意中发现呢间海南鸡饭店。晚市时间前来，原本只系陪坐，但个姐姐见到我地准备入来，就已经热情地为我地打开门，咁欢迎我地搞到唔好意思得个坐字。最后三人叫左三个正宗海南鸡饭，其中一个要鸡脾。落完单完唔洗两分钟，就有例汤送来。好多鸡汤渣，饮落好有药材味，几岩我口味。清清地唔油唔咸，三个一饮唔停口。汤都未饮完，个饭就到喇（好快手）个饭好有心思，系心型～简单小细节反而令我地有啲惊喜，食都食得开心啲。正宗海南鸡饭$44因为有啲饱，所以叫左少饭。（所以冇心型 哈哈）叫左正宗海南鸡饭，啲鸡已经好滑，鸡脾咪仲不得了？油饭食落好香，比起出面啲油饭冇咁油，岩我呢啲贪食又怕太油腻嘅人。份量都岩岩好，酱汁正常，好味抵食嘅海南鸡。正宗海南鸡脾饭$49仲叫左碟菜心$12。好少店有散叫菜食，就算有都要成$20。呢到有得叫细细碟，平且份量岩岩好，唔会食到太饱。