順德公漁村河鮮酒家 (已結業)

难得公司一班人放工后约埋一齐食饭，紧要揾啲好嘢食。同事极力推荐一间由蓝带厨师主理河鲜嘅餐厅，大家都好有兴趣，虽然小弟对河鲜冇乜喜好⋯⋯。间餐厅开喺工厂区嘅酒店，环境十分好，因客流唔多，所以应该唔会好似旺区咁有人催你交返张枱出嚟。𠮶晚我哋点咗六𩠌一汤，食完后我又真系想像唔到个味道远超我想像以外。第一个嚟嘅系个炖汤 - 宫廷御用鲜螺头炖鸡汤。不得了，我明明状态麻麻，一饮成个精神晒（唔好笑、唔系广告），个汤炖得好清而味浓，食个螺头时竟然系松软唔韧，而且佢仲有个椒丝豉油你点，阵阵嘅青椒味留喺口中，正。当然，如果你唔好青椒又另作别论。跟住陆陆续续啲小菜就上枱。千岛大虾球、啫啫西芹鱼卜、太子成名脆皮咕噜肉、蒜子生扣珠江花锦鳝王、特式笼仔梅菜蒸菜远、铜盘蒸污糟鸡。呢点唔似西餐一道食完先下一道，中国人食饭就系钟意成枱都系𩠌，热热闹闹。我喺度将每道菜嘅食后感讲一讲，同大家分享一下。先讲虾球，好大只、爽脆、唔韧，伴碟青瓜菠萝能够平衡到千岛酱嘅heavy 感，高明。咕噜肉，出奇咁脆口（讲明，佢每道𩠌接近都可以用脆字形容，但每一种脆都系相对𠮶种食物本身，而唔系同薯片比，留意！），果然系脆皮咕噜肉，而且脆嘅不单