喜慶屋拉麵餃子專門店 (已結業)

专登入大坑食雪糕，经过呢间餐厅见到个餐牌啲食物几吸引，就决定入去坐低饮杯嘢食啲小食倾吓计。呢度嘅侍应好有礼貌，好有耐性咁介绍铺头嘅食物都系自家制，特别系鲮鱼球同煎饺子。识煮饭嘅人都知道炸鲮鱼球好考功夫，鲮鱼球唔可以太大，因为出面炸到龙晒中间都好难熟，见到佢炸完出嚟个皮系薄薄一层金黄色而中间鲮鱼球肉又可以全熟透，叶制得又唔会太咸几入味。我仲叫咗杯蜂蜜薏米水，可惜我觉得蜂蜜味太少，反而姜味太重唔系太啱我嘅胃口。