喜慶屋拉麵餃子專門店 (已結業)

經過天后想不到吃什麼，打算隨便找間麵店吃個簡單晚餐，在轉角位發現了這間喜慶屋拉麵店。店子不大，只有4-5張枱。點了個人氣豬骨湯拉麵。麵質軟硬度適中、义燒軟腍、芽菜、木耳等配料好足、湯底亦唔會太咸。跟餐的煎餃也好吃，不過忘了拍照。鄰枱的客人連點了六碟！煎釀尖椒$32/5件，好抵食。尖椒新鮮熱辣辣端來，煎得香口，有點辣好過癮。其他食客都是住在附近的街坊，同老闆稔熟。有個婆婆想點拉麵卻擔心吃不完，老闆很好人提出可以點一碗少份量的拉麵、價錢差不多平一半，好有人情味啊。

這一間家庭式經營的小店，約有13個座位。平日晚上來到也坐無虛席，而且有唔少係熟客。有提供紙巾，細心老闆待客熱情，會介紹湯底是自家製，熬足24小時的豬骨湯。我地點左個定食（$88）同豬骨湯淨九菜餃（$28/6隻）。叉燒爽口，不是一般拉麵店的腍叉燒。拉麵軟硬適中，蛋也是流心的。套餐小食揀左煎白菜餃，皮非常薄，餡料飽滿，名符其實皮薄餡靚。鄰桌的三位顧客都點左60隻餃，可見其水餃有好多捧場客！豬骨湯九菜餃也好香口，太好味，早知點9隻 😛老闆推介我地飲熱薏米水，果然真材實料，原來佢落左薑，袪濕之選！是晚有2位老婆婆光顧，老闆就同佢地講可以收平啲，散點也送飲品給她們。良心小店，值得支持 💪

拉麵餃子也有fusion的時候，這天到了大坑找朋友。路過一間餃子店，有點日式格局，主打日式拉麵。門面是日式的，餐牌和店主卻有點老店的風情。食物價錢是親民的，拉麵合理，小食更是很相宜。隨意點了兩款拉麵，豬骨湯底有豬骨的味道，但沒有日式湯底的濃厚，反而有種家常的感覺，偶爾轉換一下口味還是可以的。朋友點的地獄拉麵帶來了一點驚喜，那種辣是麻辣的辣，就是我們都想不到的！煎牛舌是薄切的，很爽脆，配上青瓜口感不錯。建議不用點醬汁吃。餃子很便宜，店主很好給我們建議雙併。二十多元一份餃子實在很划算，每顆也很足料。比起專賣餃子的店毫不遜色。如果想吃傳統日式拉麵，或會有點失望。但如果放開心情，這裡的味道也不錯，是另類的拉麵，對得起價格的。

大坑這個地方，個人很少去，只自動位置是靜中帶旺，一個很自成一角既住宅區，卻又很容易便能步往熱鬧既銅鑼灣，所以帶唔少公司同事，都會選擇住在這區，特別是海歸的朋友。因為海歸多，所以這附近的餐廳開設，可能也會過著這個demand，而去提出supply。酒吧，西餐，不難在這裡找到，是日到同事家中作客之前，卻又被我發現了這間十分local既拉麵店。喜愛小店的我，當然要一試啦。餐廳大大，卻五臟俱全，座位不多，眼見只有大約10多個位，一位樓面，一位廚師，很典型的小店設置，但卻有一份無明的親切感。桌面上放有盒裝紙巾，方便客人。有別於一般的日式拉麵連鎖店，這裡的選擇比較多元化，也比較fusion。除了基本的叉燒拉麵外，這裡還有港式一點的吉列豬扒，炸雞，肥牛，魚柳拉麵，等等。而傳統既我，最後還是選擇了傳統的叉燒拉麵。要點叉燒拉麵，其實還可以有兩個選擇：一是唔辣既豬骨湯叉燒拉麵二是辣既火地獄叉燒拉麵一般情況，我也會選擇唔辣既豬骨湯，但這日卻想試一下辣既火地獄湯底。火地獄叉燒拉麵 $50火地獄和豬骨湯既分別，其實只在於那辣汁，辣度分為大，中，小三種辣度，而湯底仍然是「明文」說定的無味精豬骨湯。湯底無味精，先喝

不知所謂的拉麵放學返黎諗住食碗面...叫左個拉麵set 餃子.. 老闆娘話自己朝朝早好早起身包架 d 餡好靚.. 咁呀試吓啦...嗌咗個韭菜餃子.. ok la.. 同學校嗰邊街市買嗰d差無幾...但個拉麵一出嗰下.. 我有點擔心..啲木耳仲有啲根喺度... 救命嗰隻糖心蛋.. 呸... 酸嘅！ 變左架... 癡線！拉麵已經叫左軟麵...點知d麵仲係好生...食完返到屋企已經好胃痛...好嬲... $6x 食埋d咁嘅野... 比多$10蚊可以喺銅鑼灣食神之拉麵... 我真係好嬲.. 我唔會再貪方便喺樓下食d大陸style 嘅拉麵... 仲話唔知咩24小時湯底。講到天花龍凰都無用啦！我諗住4點幾.. 無人係正常...原來真係中晒伏。

約咗飯腳喺銅鑼灣食晚飯，發現咗喜慶屋餃子專門店，應該開咗唔係好耐，好有中國feel嘅店面。叫了一客人氣豬骨湯叉燒拉麵，自家製水餃及炸鯪魚球小食等等。湯底非常之濃郁，老闆話係廿四小時熬製嘅豬骨湯並且不含味精。自家製水餃，不錯。炸鯪魚球，有水準。，也叫了一客雞翼，非常之美味。 值得一試。

After meeting up with my clients at Tai Hang, I wandered around the street for my lunch. Since my wife was not around and she does not have a liking for ramen, this was the perfect opportunity for me to eat ramen again. After roaming for awhile, i entered into this small ramen shop, attracted by its display outside. Red lanterns were hang outside.   After some chat with the owner, i realized it was operated by a Chinese couple thus it was kind of a fusion of Chinese style ramen. The menu was qui

今日去中央圖書館溫完書就嚟關門又肚餓,諗住同男朋友去食啲嘢係openice先見呢間拉麵近近地又好似唔錯就去試下。入到去位唔多只係得10幾個不過就好友小店嘅風味。首先叫咗個火地獄拉麵小辣,可能睇落去冇咩辣嘅味道.但其實食落好香好辣，小辣嘅辣度已經夠，如果唔係會開蓋左湯的鮮味。湯完全係可以係可以係咁飲因為真係唔鹹冇味精，全部都係豬骨味。即是飲完都唔會覺得口渴。而面嘅質地都唔錯啱啱好唔會太硬不過如果叉燒肥返少少會更加完美。面的份量分量足夠一個男仔啱啱好食飽所以70幾蚊係呢個地段食都OK抵食。第二帶咗個吉列豬扒拉麵拉麵嘅湯底同前面一樣所以就唔再多講。豬扒都有手掌咁大。而且炸粉唔厚，不過就可能會有少少乾身因為始終係炸完。最好食係佢嘅留心蛋出邊有少少鹹鹹地二入面真係蛋汁會流出來好好食。最值得推介的是韭菜餃，因為韭菜餃根據店主所說啱啱包起，而且皮唔厚不過就好有咬口，韭菜味道非常之濃而且肉同菜嘅比例係三同七，咬落去會有啲肉汁爆出來所以非常之好食建議大家可以一試。飲品方面飲咗蜂蜜薏米水，好適合春天飲因為可以去濕而且唔算好甜所以整體上都可能會比較健康不過如果蜂蜜嘅味道再濃返少少會更加好。最後店員嘅態度好好

平時去大坑到食飯，通常都係去食拉麵來，冇諗過附近原來有間幾親民嘅拉麵店！不過唔係傳統果種拉麵店，感覺似經過香港文化洗禮後轉變出黎嘅拉麵店。因為今次得自己一個人食，所以淨係叫咗一個麵，兩個小食同埋幾隻餃子。以我咁大食嘅人來講都飽肚，係ok嘅。餃子係自家製嘅，有白菜餃同韭菜餃。我就比較鍾意韭菜嘅！都幾香！外皮厚咗少少，不過都合格嘅。啲餡都足嘅，唔會好似某啲餐廳咁空虛冇口感。拉麵聽老細講叫咗火地獄叉燒拉麵，有大、中、小辣揀。因為自己好鍾意食辣，所以叫咗大辣！但係大辣黎講都唔算好辣，最多都係譚仔小辣咁，所以應該好多人都接受到。麵都幾爽口嘅，不過如果再硬身啲就正啊！招牌棒棒雞來講呢，口感幾得意。雞肉黐住啲有少少爽口嘅東東，雞肉又唔會好柴，幾嫩口！配芝麻醬都幾香幾好味，幾夾嘅！不過啲醬就稀少少。最後到黑椒煎牛舌啦！其實自己本身幾鍾意牛舌煙韌得黎，有啲爽口咬口嘅感覺！牛舌一啲都唔會老，冇食到癡晒牙拉晒絲。黑椒嘅調味輕左少少，如果可以重啲就更加正啦！

平時來天后，除了大家樂，麥當勞和茶餐廳之外也不知道有什麼地方好吃，多虧朋友介紹，我才知道有這間餐廳。 星期日的下午幾近客滿，幸好我們勉強找到兩個位置坐下。午市套餐約63元，但包括拉麵，餃子和飲品，加上考慮到港島位置，這個價錢可以接受 ！ 和風肥牛拉麵，讚！ 和平時的牛肉拉麵不同，牛肉是煎好煮好才放在拉面上，而且沒有什麼肥肉，很好吃！ 餃子是自家製的，大大個，皮滑餡足。平時很少亦不喜歡吃雞，但朋友什麼也吃，我就陪她一起吃了點。這冷盤名叫棒棒雞，加了少量 washabi ，不會太多 （從醬料顏色就可以看得出來。），剛剛好，冷盤加芥末真的一流！再加上胡麻和芝麻醬，就更加開胃和香！雞肉很滑，沒有腥味。連不喜吃雞的我也吃了幾舊。店家服務也很熱心周到。

星期六放假，想扮下文青渡過休閒既假日，就決定去中央圖書館吸收下啲文化氣息，可惜文化氣息食唔飽人，睇書睇到累，點都要去醫下個肚，就入去大坑睇下有咩好食大坑果然人傑地靈，入面超多餐廳，但係好多價錢都睇到我眼都突埋終於比我搵到間大眾化既日式拉麵店餐廳係小店經營，由兩公婆（應該係？）營運，裡面只有5,6張台下午2點左右，可能午餐時間已經過左，又未到下午茶時間，所以唔洗等位食個拉麵加多個小食100左右而且套餐好似好抵食咁不過我想食其他小食，所以最後無叫套餐要左杯薏米水，唔多餐廳會有得飲呢杯薏米水唔係加白砂糖，而係加蜜糖，所以唔會太甜，啱晒我呢啲唔好甜既人，夠健康黑椒煎牛舌一放上台就聞到好香既黑椒味，煎到好香口，牛舌口感好爽我最鍾意就係佢仲比左啲芥未點嚟食，非常夾，份量都唔少，食唔停口招牌捧捧雞雞肉應該係用雞胸肉，當然唔會夠雞脾肉幼嫩但係個秘製汁就好正，食得出除左麻醬外，仲應該落左芝麻，同帶有少少芥未味主角拉麵出場，豬骨湯叉燒拉麵又係先試個湯底，店主標明不落味精，睇個湯底一啲都唔混濁，無雜質飲落好清新，帶有淡淡豬骨湯味，感覺高雅脫俗麵偏硬，個人喜好都係鍾意硬身既麵條叉燒就一般，因為比另一碗主角肥牛

開會期間，肚仔餓，行到呢間喜慶屋😳😳食拉麵同埋小食既，咁就食下啦😋😋😋鋪內位置唔大，20個位度😇😇裝修比較簡約，座位都唔會太窄，幾舒服佢lunch 就有一個拉麵套餐，主打 熬足24小時既豬骨湯拉麵，絕不含味精😃😃呢個就真係既，食完絕對唔口乾👍🏻👍🏻套餐包埋四隻餃子既，筷子口感唔錯，足料含令👍🏻👍🏻👍🏻唔錯唔錯..老闆好用心去製作每一樣野，連辣椒醬都係自己整既😃😃😃😋😋整體黎講，係好食既，價錢又唔貴wor

近年愈黎愈多Ramen過江龍打到黎，但係好似個熱潮都過左，以前要排成個鐘先食到(幾年前為左試個間銅鑼灣個間Ramen店，朝早十一點去食)，依加都好似唔洗點排隊就食到，呢排最興既自然係綠茶過江龍。個日趁而家人少D就諗住行年宵，去年宵前自己就要去大坑搵下野食，始終里面食個魚旦燒賣都講緊40蚊。行行下就見到呢間都唔錯，最緊要係門口睇到佢個價錢好合理。八十八蚊係大坑都唔知食唔食到一碗豬骨拉麵，呢到88蚊=一碗Ramen + 4隻餃子 + 野飲。我諗除左呢到，係大坑呢個價錢食日本野應該真係唔得。夜晚七點半黎到，位就都唔多，但係都幾多人，佢除左有吧枱位都有四人位。佢地得一對應該係夫妻主理，一坐底已經好熱情咁介紹。烏根縣煎豬扒拉麵去開好多拉麵店，豬扒多數都係炸豬扒加個沙律醬，但係見呢到有煎豬扒，梗係嗌番個食。佢拉麵會跟紫菜、溏心蛋。佢個豬骨湯真係好唔錯，唔似外面咁好重口味，真係真材實料，淡淡地食完都唔會口渴，如果嫌淡加埋佢個自家xo醬，咁就一流。豬扒相對就比較普通，唔算太入味，但是都好淋。煎餃子佢餃子就有白菜同韭菜，仲有煎同湯兩種，佢唔係日本個種細細粒豬肉餃，反而係中式餃子，粒粒都自家做，因為粒粒真

好不容易挨到星期日，當然要把握這個難得的假期到處走走，這天約了朋友到中央圖書館，因為實在太久沒有到那邊了。在中央圖書館看了一會兒書，就到了午饍時間，我們決定在附近覓食。走到大坑道附近，那邊有一條街有很多食店，最後我們選了喜慶屋拉麵餃子專門店，因為這店看起來很專，不像其他餐廳大包圍各種食物，我們相信這店的拉麵和餃子會做得很好。店面很有日式風味，用了木板作招牌：裏面不算很大，但也能夠容納一張吧枱和幾張桌子，很有人情味的感覺：這是收銀機那邊，超級有日本餐廳的氣氛：餐單很簡單，令人一目了然。這是午市和下午茶的餐單：這是晚市的餐單：我們二人都決定點午市定食，在閒日，這只需＄63 ,但因為今天是星期日，所以要加＄5 ,即是要＄68才有一個拉麵、餃子和一杯飲品。另外我們還點了一個小食一起吃。店員先上飲品，朋友點的是熱蜂蜜薏米水（下圖左），單點要＄16。我點的是凍檸樂（下圖右），單點也是要＄16。店員完全沒有吝嗇蜜糖，蜂蜜薏米水的甜度對我來說剛好，但不喜歡甜的人可能會覺得有點甜。薏米的味道淡淡的，不夠蜜糖的味道突出，另外還有幾片檸檬，像極了一杯偏甜的熱檸水。當然，這杯有益多了，薏米有利水消腫、清熱排膿

上一次來天后食晚飯，途經一間雪糕店，但太飽沒有機會吃，於是決定今天再來天后吃晚飯，然後可以一試。而晚餐今次選了這間拉麵小店。這間拉麵店不是位於天后最旺食市的地方，很可能被忽略，但我們發現這小店應該非常受歡迎，因為在短短1小時內，我們看見她有很多外買訂單。餐牌雖小但選擇眾多，我選擇了豬骨湯叉燒拉麵，韭菜餃白菜餃及吉列豬扒。老闆說因為今天是渣打馬拉松所以很多食物例如炸鯪魚球等都已經售罄了，今次沒有機會試。拉麵湯底混合老闆自家製的辣醬非常美味，真的有衝動問老闆有沒有得把辣醬買回家。叉燒有別於一般的拉麵店，非常軟熟彈牙，而且老闆應該很比心機醃制過的。吉列豬扒亦都非常高水準，豬肉鬆軟，外層亦都非常薄脆。餃子是我最喜愛的小食，韭菜餃白菜餃餡料十足，非常新鮮，而且餃子皮又薄又滑，煎後亦絕不油膩。蜂蜜薏米水亦都很有誠意薏米粒粒飽滿，加入蜂蜜及彊，冬天飲一流