正九清湯腩 (常安樓)

营业中

休息中

今日去接老公放工，顺便就喺附近买外卖，见到呢间新开嘅正九清汤腩，就买嚟试吓。除咗有清汤腩，仲有好多唔同嘅饭面，餐牌上仲讲明牛腩有肥有瘦仲有半肥瘦可供选择。第一次食，当然要拣返佢哋嘅招牌菜式清汤牛三宝河，外卖嘅清汤系会另上，够晒贴心。牛三宝包括有牛腩、牛筋同牛肚，𩠌嘅份量相当多，牛腩肥瘦适中，而牛筋同牛肚就煮得够腍。另外就拣咗排骨担担面。担担面嘅上海面口感唔错，配以花生酱同埋冬菜，其实只系个担担面底就已经够好味。排骨嘅份量大大件，瘦得来肉质亦都非常鲜嫩，绝对推介。另外叫咗一份酒味醉鸡，酒香扑鼻，鸡肉亦都弹牙，食到我哋都食指大动。