蘇山雞飯

营业中

休息中

食新加坡菜，最常系会去食肉骨茶，新加坡嘅肉骨茶同埋马来西亚嘅会有少少唔同，分别系材料上，新加坡会偏好胡椒味，但系马来西亚就会系偏重药材味，呢间餐厅就系用胡椒为主。我叫咗一个砂煲肉骨茶，$118，有10旧骨，每一旧骨都连住肥瘦适中嘅猪肉，咬落去系有肉香；汤底唔会特别咸，配料如豆卜等等都充分吸引晒汤汁。店员好奇我需唔需要一个饭，而且推介左佢哋嘅油饭，用自家电饭煲慢慢煲，食落去嘅感觉又唔会太油腻，反而粒粒饭内有鸡油味，唔会有好油腻嘅感觉。之后叫左杯Milo Dinosaur，浓郁唔特别甜，奶量足，唔水。最后叫左个蛋白杏仁茶，蛋白香味为主，呢到并冇落好多糖令佢变得好食，反而有好丰富嘅杏仁味同蛋白，令佢滑之余亦都好香。