樂天皇朝 (將軍澳中心)

营业中

休息中

喺将军澳想食小笼包，都唔系有好多选择，今日就拣咗黎呢间。周末午市时段，唔算太多人，可能因为咁，环境都比较静，可以慢慢叹茶、好好倾计。小笼包都算系皮薄馅靓，一笼可以拣6只或10只，配埋醋同埋姜丝，衬热食都真系几好味生煎包个包质做得几好，即叫即煎所以食落热腾腾，个底香脆，如果入面多d汤就更加好喇！萝卜丝酥饼正常水准，唔会太油腻，入面个萝卜都几多汁，够味，如果再大只少少就更好喇！赛螃蟹黎既时候系有一只生蛋喺中间，比食客自己捞入个𩠌入面，呢种传统食法终于回归啦！以往好多餐厅可能因为covid或卫生问题唔提供生蛋，好影响呢个𩠌，而家咁样就真系可以原汁原味咁食啦！上海炒饭正常发挥，碟饭个色虽然比较深色，但味道唔会太咸，做番上海茶有浓酱既特色炒油麦菜味道ok，不过明明落单时拣咗少油，但食落却觉得几油，呢个就有少少失望。整体黎讲，呢餐饭既食物大致唔错，下次会再去试其他菜式。