春宵

营业中

休息中

与三位友人打算星期六晚喺湾仔打边炉，但又唔太想食任食火锅㖞…. 喺OpenRice揾吓揾吓就见到依间打边炉。佢有啲4人餐，啲餐嘅内容睇落都啱食，价钱又抵，而且又收得夜（因为依家好多餐厅都收好早），所以就决定食依间同埋都叫咗海鲜4人餐。首先讲吓环境，整间餐厅唔算大，不过枱与枱之间都算阔落。大部分系4人卡位，都几好坐。每张枱旁边都有张小枱有几层放嘢，都几方便。一坐底就每人送咗杯自家制雪梨水，好味！（好似阿妈煲𠮶啲！）后来我哋再叫咗自家制嘅酸梅汤同薏米水，都系好好味！汤底叫咗鸳鸯锅，一边系杂菌养生锅，另一边系椰子鸡汤。椰子鸡汤包括有半只已经系浸熟咗，餐厅帮我哋斩开。鸡肉因为系浸熟，所以鸡肉十分嫩滑。4人餐包括嘅海鲜有虾、鲍鱼，小花甲，非常新鲜！另外本身4人套餐系赠送北海道带子一份，但当晚就转咗4只蛏子。我完全冇点豉油，已经好鲜甜啊！丸方面食咗贡丸、牛丸、墨鱼丸，非常弹牙同好味！再想赞嘅系位女经理，友善指数系100。又nice又醒又靓！