The Point (已結業)

铜锣湾嘅登龙街多嘢食就系人都知，当中也更我系非常之喜欢食嘅就系The Point. The Point系一转入登龙街就会见到嘅铺头，外墙系落地玻璃，环境好优雅，装修好时尚，入到去总之就一种好高雅嘅感觉。佢嘅食物都系一样，系提供一啲中上嘅食物，但价钱亦都非常公道，依家lunch set做做紧第二客半价添！今次去我决定试吓新野，我哋两个人叫咗一个龙虾pizza，呢个Pizza一上枱就闻到阵香味，系一种炭烧龙虾嘅香味，Pizza嘅皮好酥脆，芝士亦都好多，好多拉起个Pizza系一丝丝见到啲芝士好长㗎！见到都流口水呀！唔单止味觉同埋嗅觉都满足左，连视觉都觉得好震撼，因为见到一个大龙虾头同龙虾尾摆咗喺个Pizza嘅中间，真系未见过未食过啊！拎起只龙虾味，发现原来龙虾肉已经起晒出嚟，分布喺每一件嘅Pizza上面，所以每一啖嘅Pizza都食到弹牙新鲜嘅龙虾肉。咁个龙虾尾入边有收埋咗咩呢？原来都有部份嘅龙虾肉喺里面而且仲有芝士同埋蕃茄仲有菇，龙虾壳充满咗炭烧嘅香味，我真系想连龙虾壳都食埋落肚呀！个龙虾头系充满咗龙虾膏，好正㗎！我要重点推介个棒棒鸡翼！上碟时候呢个鸡翼系热辣辣，直头系辣手㗎。鸡翼皮脆卜卜，